7-mavzu: Buyrak. Ularning yoshga qarab o‘zgarishi. Siydik yo‘li, qovuq, siydik chiqarish kanali, ularning yoshga qarab o‘zgarishi

Porta — kaval anastomozlar
Porta-kaval anastomozlar v.portae va v.cava superior yoki v.cava inferior irmoqlari orasida hosil bo'lib, quyidagilardan tashkil topadi:
1. Qizilo'ngachning qorin qismidagi venalar bilan me’da venalari orasida porta-kaval anastomozlar bo'ladi. Qizilo'ngach venalari v.v.esophageae ko'krak kafasining orqa devoridagi yarim toq vena — v.hemyazygos va toq vena —v.azygos larga yig'ilib, ular orqali v.cava superior ga quyiladi. Me’daning v.gastricae sinistrae venalari esa darvoza venasi — v.portae ga quyiladi. Natijada qizilo'ngachning me’daga o'tish sohasida porta-kaval vena anastomozlari hosil bo'ladi.
2. To'g'ri ichak devorida porta-kaval anastomozlar bo'ladi. Uning yuqori qismidagi venoz qon — v.rectalis superior ichak tutqichidagi — v.mesenterica inferior orqali darvoza venasi — v.portae ga yig'iladi. To'g'ri ichakning o'rta qismidan — v.rectalis media v. ilica interna ga quyiladi va to'g'ri ichakning pastki qismidan — v.rectalis inferior v.pudenda interna ga quyiladi va pastki kovak venaga yig'iladi. Natijada to'g'ri ichak devorida porta-kaval anastomozlar hosil bo'ladi.
3. Qorin old devorining kindik sohasida ham porta-kaval anastomozlar joylashadi. Kindik sohasidan venoz qon v.v.paraumbilicalis venalari orqali jigarning yumaloq boylami — lig.teres hepatis tarkibida v.portae ga quyiladi. Qo'shimcha ravishda kindik sohasidan venoz qon — v.epigastrica superior orqali v.cava superior — yuqori kovak venaga va v.epigastrica inferior hamda v.epigastrica superficialis orqali v.cava inferior — pastki kovak venaga yig'iladi. Natijada kindik sohasidan venoz qon darvoza venasiga, yuqori hamda pastki kovak venaga yo'naladi va kindik sohasida porta-kaval anastomozlar hosil bo'ladi.
4. Qorin orqa devori bel sohasida ham porta-kaval anastomozlar bo'ladi. Yo'g'on ichakning mezoperitoneal joylashgan bo'limlaridan (ko'tariluvchi va tushuvchi qismlari) venoz qon darvoza venasi — v.portae ga quyiladi. Bel sohasidagi v.lumbalis venalari ostki kovak vena — v.cava inferior ga quyiladi. Natijada, qorin orqa devorida — bel sohasida porta-kaval anastomozlar hosil bo'ladi.