7-Маъруза. Техник жиҳатдан тартибга солиш. Режа

7-Маъруза. Техник жиҳатдан тартибга солиш.


Режа:

7.1.Ўзбекистон давлат техник жиҳатдан тартибга солиш тизимининг тузилиши.

7.2. Техник регламент турлари.
7.3. Техник регламентларда белгиланадиган хавфсизлик талаблари.
Калит (таянч) сўзлар: техник жиҳатдан тартибга солиш, техник регламент, умумий техник регламент, махсус техник регламент, савдодаги техник тўсиқлар.

7.1.Ўзбекистон давлат техник жиҳатдан тартибга солиш тизимининг тузилиши.

Ўзбекистон Республикасида “Техник жиҳатдан тартибга солиш” тўғрисидаги 2009 йил 23 апрелдаги қонуннинг қабул қилиниши жаҳон савдо ташкилотига аъзо бўлиш учун халқаро тажрибаларга уйғунлаштирилган меъёрий ҳужжатлар ишлаб чиқишга сабаб бўлди.

“Техник жиҳатдан тартибга солиш” тўғрисидаги қонуннинг асосий мақсади маҳсулотлар, жараёнлар ва хизматлар хавфсизлигига доир мажбурий талабларни белгилаш, қўллаш ва бажариш соҳасидаги муносабатларни тартибга солишдан иборат.
Умуман ушбу қонун маҳсулотлар, уни ишлаб чиқариш жараёнлари, ишлаб чиқариш, ишлатилиши, сақланиши, ташилиши, фойдаланилиши, зарарсизлантирилиши ва хизматлар кўрсатилишини бажарилиши мажбурий бўлиши техник талабларни тартибга солишини белгилайди, техник регламент талабларини бажарилиши юзасидан давлат назорати ва текширувини, ҳамда тартибга солишнинг ҳуқуқий ва ташкилий асосларини белгилайди ва ушбу борада ягона техник сиёсат олиб борилишига йуналтирилган.
Техник жиҳатдан тартибга солишнинг асосий вазифалари инсон ҳаёти, соғлиги ва давлат мол-мулкининг хавфсизлигини, атроф-мухитнинг мухофаза қилиши, шунингдек ресурслардан оқилона фойдаланилишини, савдодаги техник тўсиқларни бартараф этишни таъминлашдан иборатдир.
Қонунда белгиланган вазифаларни бажариш ҳамда келгусида амалга ошириладиган чора-тадбирларни ўрнатилган тартибда амалга ошириш учун техник жиҳатдан тартибга солиш давлат тизими тузилган ва у қўйидагилардан ташкил топган:
Ўзбекистон Республикаси Вазирлар Махкамаси, техник жиҳатдан тартибга солиш соҳасидаги ваколатли давлат органлари:
Ўзбекистон стандартлаштириш, метрология ва сертификатлаштириш агентлиги;
Ўзбекистон Республикаси Соғлиқни сақлаш вазирлиги;
Ўзбекистон Республикаси Давлат архитектура ва қурилиш қўмитаси;
Ўзбекистон Республикаси Табиатни мухофаза қилиш давлат қўмитаси;
Техник жиҳатдан тартибга солиш соҳасида ўз ваколатлари доирасида фаолиятни амалга оширувчи давлат ва хўжалик бошқаруви органлари.
Қонунга биноан Ўзбекистон Республикаси Вазирлар Махкамаси, Ўзбекистон стандартлаштириш, метрология ва сертификатлаштириш агентлиги, Ўзбекистон Республикаси Соғлиқни сақлаш вазирлиги, Ўзбекистон Республикаси Давлат архитектура ва қурилиш қўмитаси, Ўзбекистон Республикаси Табиатни мухофаза қилиш давлат қўмитаси, Техник жиҳатдан тартибга солиш соҳасида ўз ваколатлари доирасида иш олиб борадилар.
Техник жиҳатдан тартибга солиш давлат тизими 1- расмда келтирилган.

1-расм. Ўзбекистон техник жиҳатдан тартибга