7-маъруза қозон ўтхонасида газ ёқИЛҒисини ёқИШ

1. Механик ифлосликлардан.
2. Таркибидаги H2S бирикмасидан 0,02 г/м3 яъни 00013% гача юқори даражада тозаланади.
3. Хўжалик таъминотига мўлжалланган пропан ва бутан каби углеводородлар табиий газлардан ажратиб олинади ва бу газлар сиқилган газ ҳолатида махсус баллонларда истеъмолчиларга берилади.
Табиий газларнинг ҳавода тарқалишини аниқлаш мақсадида уларни магистрал қувурларга юборилиши олдидан уларга ҳид берувчи ўткир ҳидли меркап тан каби моддалар қўшилади, газ тақсимловчи манбалардан юқори босимда магистрал қувурлар орқали ИЭСларга ва истеъмолчи манбаларга юборилади. ИЭСларда табиий газларни ёқилғи сифатида ишлатиш қаттиқ ва суюқ ёқилғиларга нисбатан бирмунча қулайликларга эга. Бунга сабаб қаттиқ ёқилғи ёқилади ИЭСлардаги каби ёқилғиларни келтириш, уларни қуритиш ва майдалаш жараёнларини амалга оширишда қўлланиладиган қурилмаларнинг бўлмаслиги, уларни ишлатишда қўшимча электр энергияси сарфланмаслиги, ёниш маҳсулотларини кул ва шлак маҳсулотларидан тозаловчи қурилмаларнинг ҳам бўлмаслиги ҳамда атроф – муҳитни заҳарловчи моддаларнинг кам ҳосил бўлиши.
Шу сабабали энергетика соҳасида табиий газларни ёқилғи сифатида ишлатиш иқтисодий жиҳатдан самарали ҳисобланади. Шунга кўра барча ИЭСларни лойиҳалаш жараёнларида, биринчи навбатда газ билан таъминланиши назарда тутилади.
Иссиқлик электр станцияларида кул миқдори юқори бўлган паст навли кўмир маҳсулотларини ёқиш, ёқилғини ортиқча сарфланишига ҳамда ёқилғи тайёрлашда иқтисодий харажатларнинг кўпайиши сабабли Россия, Германия каби давлатларда бундай турдаги ёқилғиларни кўпроқ газификация қилиб улардан сунъий газлар олишмоқда.
Бунинг натижасида ИЭСларда қаттиқ ёқилғиларни тайёрлашда қуритиш, майдалаш ҳамда ёниш маҳсулотларини кулдан тозалаш жараёнларида ишлатиладиган қурилмаларга эҳтиёж бўлмаслиги ва уларни ишлатишдаги харажатларнинг камайиши натижасида ИЭСларда иқтисодий тежамкорлик ошади.
Сунъий газлар нефть маҳсулотларини қайта ишлаш жараёнларида ҳосил бўладиган моддалардан ҳамда қаттиқ ёқилғиларни ҳар хил шароитларда газлаштириш усули билан газсимон моддаларга айлантириш йўллари билан олинади.
Қуйидаги расмда таркибида олтингугурт миқдори юқори бўлган ҳар хил турдаги кўмирларни газлаштириш ва уларни асосий газ турбинаси орқали йўналтириб буғ қозонларида ёқиш чизмаси келтирилган.