7- sinf zoologiya

Dars o`tish uchun kerakli jihozlar: Lansetnik rasmi tushurilgan plakatlar, baril’ef. Avval o`tilgan mavzularning plakatlari Lansetnikning doimiy mikro preparati. Mikroskop.
Darsning borishi:

I. Darsning tashkiliy qismi

II. O`quvchilarni guruhlarga ajratish (Buni har bir o`qituvchi vaziyatdan kelib chiqib turli yo`llar bilan guruhlarga ajratishi mumkin, masalan, rangli kartochkalar, juft va toq sonlar va x.o)

III. O`tilganlarni takrorlash yangi mavzuni o`tilishi mobaynida amalga oshiriladi.

O`qituvchi guruhlarga murojaat qiladi.

1. Biz siz bilan shu kungacha qaysi hayvon tiplarini o`rgandik?

2. Ular qanday muhit va qanday joylarda yashaydilar?

3. Aytingchi bolalar, halqali chuvalchanglar va hasharotlarning ichki organ sistemalari bir-biridan qanday farq qiladi va qanday o`xshashliklarga ega.

Ushbu savollar yozilgan kartochkalar har bir guruhga tarqatiladi.

O`quvchilarga o`zlarining javoblari uchun kerakli preparat va jadvallar, plakatlar o`qituvchi tomonidan tarqatiladi. Ularga tayyorlanishga 4 minut ajaratiladi. 3-guruhning savolga javob berishi uchun Venn diagrammasi chizilgan varaqa beriladi.