7 -mavzu: O’qituvchilarning ota-onalar bilan hamkorlikdagi ishlari

VI. FAN OLIMPIADASINING TO‘RTINCHI BOSQICHINI O‘TKAZISH TARTIBI
32. Qoraqalpog‘iston Respublikasi Xalq ta’limi vazirligi, Toshkent shahar va viloyatlar xalq ta’limi boshqarmalari, O‘rta maxsus, kasb-hunar ta’limi markazining hududiy boshqarmalari olimpiadaning uchinchi bosqichida g‘olib bo‘lgan o‘quvchilarni 4-bosqichga uyushqoqlik bilan tayyorlash maqsadida barcha tashkiliy chora-tadbirlarni ko‘radi.
33. Uchinchi bosqich olimpiadasida I, II, III o‘rinni egallab, g‘olib bo‘lgan 3-kurs (11-sinf) o‘quvchilari IV- bosqichda qatnashadilar.
G‘oliblar 76 -100 ball to‘plagan o‘quvchilar orasidan aniqlanadi.
34. Fan olimpiadasining 4-bosqichidagi test sinovlari Vazirlar Mahkamasi huzuridagi Davlat test markazi tomonidan, amaliy ishlar O‘rta maxsus, kasb-hunar ta’limi markazi va Xalq ta’limi vazirligi huzuridagi Respublika ta’lim markazi tomonidan malakali mutaxassislarni jalb qilgan holda ko‘p variantlilik asosida hamda mahfiyligini ta’minlagan holda tayyorlanadi.
35. Respublika fan olimpiadalari o‘tkaziladigan joyga ishtirokchilarni olib kelish va olib ketish, ularning yashash va yo‘llarda harakatlanish xavfsizligini ta’minlash bo‘yicha barcha tashkiliy chora-tadbirlar mas’uliyati O‘rta maxsus, kasb-hunar ta’limi markazi va Xalq ta’limi vazirligining hududiy bo‘linmalari rahbarlari zimmasiga yuklatiladi.
36. Respublika fan olimpiadalarining to‘rtinchi bosqichida fanlardan 76 va undan yuqori ball to‘plab, I, II, III o‘rinlarni egallagan umumta’lim maktablarining 11-sinf hamda o‘rta maxsus, kasb-hunar ta’limi muassasalarining 3-kurs o‘quvchilari O‘zbekiston Respublikasi Vazirlar Mahkamasining 2008 yil 13 oktyabrdagi "O‘zbekiston iqtidorli yoshlarini taqdirlash va moddiy rag‘batlantirish to‘g‘risida"gi 226-sonli qaroriga binoan oliy o‘quv yurtlariga test sinovlarsiz hamda qo‘shimcha imtihonlarsiz kirish imtiyoziga ega bo‘ladilar.
VII. XALQARO FAN OLIMPIADALARIDA ISHTIROK ETUVCHI OQUVCHILARNI TANLASH
37. Xalqaro fan olimpiadalarida ishtirok etuvchi o‘quvchilarni tanlash O‘rta maxsus, kasb-hunar ta’limi markazi va Xalq ta’limi vazirligi tomonidan amalga oshiriladi.
38. Respublika fan olimpiadasining III bosqichida umumta’lim fanlardan 1 - 5-o‘rinlarni egallagan akademik litsey va kasb-hunar kollejlarining 2, 3-kurs o‘quvchilari hamda umumiy o‘rta ta’lim muassasasining 10, 11-sinf o‘quvchilari xalqaro fan olimpiadasida qatnashish uchun tanlovda ishtirok etadilar.
39. Tanlov ikki bosqichda o‘tkaziladi.
40. Tanlovning birinchi bosqichida I, II, III o‘rinlarni egallagan o‘quvchilar keyingi bosqichda ishtirok etadilar.
41. Tanlov o‘tkazish joyi va muddati O‘rta maxsus, kasb-hunar ta’limi markazi va Xalq ta’limi vazirligi tomonidan belgilanadi.
42. O‘rta maxsus, kasb-hunar ta’limi markazi va Xalq ta’limi vazirligi tavsiya qilgan ekspert guruhi tomonidan tanlovda qatnashgan o‘quvchilarning yozma ishlari tekshiriladi va g‘oliblar aniqlanadi.
43. G‘oliblarni aniqlashda o‘quvchilarning nazariy va amaliy bilimlarini masalalar echishga tatbiq etish qobiliyatlari, topshiriqlarning original echimlarini topishlari, yozma javoblarni to‘la bayon etishi va ilmiy xulosalar chiqarishi e’tiborga olinadi.
VIII. HAKAMLAR HAY’ATI
44. Fan olimpiadalarining barcha bosqichlarini o‘tkazish uchun har bir fan bo‘yicha 5 - 7 kishidan iborat hakamlar hay’ati tarkibi tuziladi va tashkiliy qo‘mitalar tomonidan tasdiqlanadi.
45. Hakamlar hay’ati quyidagi vazifalarni bajaradi:
a) fan olimpiadalari ishtirokchilari tomonidan bajarilgan ishlarni tasdiqlangan baholash mezonlari asosida tekshiradi va baholaydi;
b) fanlar bo‘yicha g‘oliblarni aniqlaydi;
v) fan olimpiadalari yakunlari yuzasidan belgilangan tartibda qaror matnlarini tayyorlaydi va rasmiylashtiradi;
g) fan olimpiadalari natijalarini olimpiada qatnashchilari va jamoa rahbarlari ishtirokida e’lon qiladi;
d) o‘tkazilgan olimpiada natijalari haqida tashkiliy qo‘mitaga batafsil hisobot beradi va zarur hujjatlarni taqdim etadi.
46. Hakamlar hay’ati tarkibiga tavsiya qilingan a’zolar olimpiadaning faqat bitta (tuman (shahar), viloyat yoki respublika) bosqichida ishtirok etadilar.
47. Har bir fan bo‘yicha tuzilgan hakamlar hay’ati a’zolari o‘zlari orasidan fan raisini saylaydilar.
48. Hakamlar hay’ati raisi va a’zolari uzluksiz ravishda ikki yildan ortiq olimpiada hakamlari tarkibiga kiritilmaydi.