7- laboratoriya jumíSÍ Emitter qaytarǵısh sxemasın izertlew Isten maqset

7- LABORATORIYA JUMÍSÍ
Emitter qaytarǵısh sxemasın izertlew
Isten maqset: Bipolyar tranzistorda jasalǵan emitter qaytarǵısh sxemasın izertlew hám dinamikalıq xarakteristikaları hám differentsial parametrlerin ólshew.
7. 1. Tranzistor kollektorı ulıwma etip jalǵanǵan kúsheytgish sxemasın jıyań. Onıń ushın
U_1-2 jalǵawshın 1 jaǵdayǵa, U_3-4 ni - 3 jaǵdayǵa, U_5-6 ni - 5 jaǵdayǵa, U_7-8 ni - 8 jaǵdayǵa ótkeriń. U_12-15 jalǵawshın 15 jaǵdayǵa qoyıń, bunda júkleme qarsılıgı R_ju=R₁₀=10 kOm ga sáykes keledi.

Jumıs bólimi	Jalǵawshı halati					Qadaǵalaw noqatı		Sxemanıń kiriwi
	U1-2	U3-4	U5-6	U7-8	U12-15
2.1-2.3	1	3	5	8	15		3	kiriw 2

7.2. 7.2-7.9 bántlerde keltirilgen ólshewlerdi tákirarlań. Maket maydanıń joqarı bóleginde jaylasqan qadaǵalaw noqatlarǵa vol'tmetr hám ostsillograf jalǵań.

7. 3. N3 qadaǵalaw noqat potentsialın kiriwi ashıq ostsilograf yamasa ózgermeytuǵın kernewi ólsheytuǵın basqa ásbap járdeminde gúzetip, G₁ taminot dáreginiń kernewin 6 V ga keltiriń.
7. 4. Ózgermeytuǵın kernewin ólsheytuǵın ásbaptı N₄, N₅ hám N₂ qadaǵalaw noqatlarǵa jalǵap, tranzistordıń jım-jırtlıq rejimi kernewlerin anıqlań. Qadaǵalaw noqatlardıń ólshengen potentsialları tiykarında, R₄=3.6 kOm, R₅=3.6 kOm ekenligin esapqa alǵan halda, kollektor, emitter hám bazanıń jım-jırtlıq tokların tabıń.

Jumıs bólimi	Jalǵawshı halatı						Qadaǵalaw noqatı		Sxemanıń kiriwi
	U1-2	U3-4	U5-6	U7-8	U12-15
2.4	1	3	5	8	15	4/5/ 2		Kiriw 2

7.5. Tranzistordıń kernew boyınsha kúsheytiw koefficiyenti (KU) ni tabıń. Onıń ushın sxemanıń kiriwine (“kirisiw 2”) generatordan 2 kHz chastotalı 30 mV kernewge iye bolǵan sinusoidal signal uzatiń. Kirisiw kernewin nol potentsiallı shina hám N₂ qadaǵalaw noqat aralıǵinda ólsheń. Shıǵıw kernewin ólshew ushın voltmetrdi N₇ qadaǵalaw noqat menen nol potentsiallı shinalar arasına jalǵaw kerek.

Jumıs bólimi	Jalǵawshı halati						Qadaǵalaw noqatı		Sxemanıń kiriwi
	U1-2	U3-4	U5-6	U7-8	U12-15
7.5–7.8	1	3	5	8	15	7		kiriw 2

7. 6. Kúsheytgishtiń kernew boyınsha kúsheytiw koefficiyentiniń chastotaǵa baylanıslıliligini KU (f) tabıń. Onıń ushın kirisiw kernewin ma`nisin ózgeriwsiz (shama menen 30 mV) saqlaǵan halda onıń chastotasın ózgertiriń hám shıǵıw kernewin ólshep beriń (N₇ qadaǵalaw noqat ). Test signalları chastotalarınıń usınıs etilgen bahaları 10 Hz, 100 Hz, 1 kHz, 10 kHz, 100 kHz hám 1 mHz larga teń.

7. 7. Kúsheytgishtiń 2 chastotada amplituda xarakteristikasın U_SHIQ=f(U_KIR) ólsheń. Kirisiw kernewi bahaların usınıs etilgen ózgerisleri 10 -300 mV ti quraydı.
7. 8. Kúsheytgish kaskadi dinamikalıq diapazonı joqarı shegarasın tabıń. Onıń ushın shıǵıw kernewi ostsillogrammasini gúzete barıp kirisiw signalınıń qaysı ma`nisinde sızıqlı emes buzılıwlar baslanıwın anıqlań.
7. 9. Kúsheytgish kiriwine R₇=20 Om, R₈=510 Om, R₉=3, 6 kOm, R₁₀=10 kOm rezistorlardi U_12-15 jalǵawshı járdeminde gezekpe-gezek jalǵap 2 kHz chastotada, 30 mV kirisiw kernewinde kernew boyınsha kúsheytiw koefficiyentiniń júkleme ma`nisine baylanıslılıǵın KU (R_ju) tabıń.

Jumıs bólimi	Jalǵawshı xolati					Qadaǵalaw noqatı		Sxemanıń kiriwi
	U1-2	U3-4	U5-6	U7-8	U12-15
7.9	1	3	5	8	12..15		7		kiriw 2

7. 10. Taminot dáreginiń kernewi 9 hám 12 V bolǵanda 4, 5, 7, 8, 9 bántlerge muwapıq ólshewlerdi tákirarlań.

Tájiriybe nátiyjelerine qayta islew
Qadaǵalaw noqatlarındaǵı ózgermeytuǵın kernewdi ólshew nátiyjeleri járdeminde taminot dáregi kernewiniń hár bir usınıs etilgen bahalarında tranzistordıń jım-jırtlıq rejimin anıqlań. Hár bir berilgen jım-jırtlıq jaǵdaylarında tranzistordıń parametrlerin anıqlań.
Tranzistordıń joqarıdaǵı bandda anıqlanǵan parametrleri hám sxema basqa elementleriniń málim parametrleri tiykarında kúsheytgish kaskadining kernew (K_U), quwat boyınsha (K_R) kúsheytiw koefficiyentlerin, hám de kirisiw hám shıǵıw qarsılıqların anıqlań.
Tájiriybe hám esaplawlar nátiyjeleri tiykarında tranzistordıń túrli jalǵanıw sxemaların salıstırıń.
Esabat mazmunı :
- úyrenilgen tranzistordıń parametrleri.
- laboratoriya jumısı maketining principial sxeması.
- atqarılıp atırǵan jumıstıń hár bir basqıshı ushın - basqısh atı hám alınǵan nátiyjeler (keste, grafik hám ostsilogrammalar kórinisinde).
- alınǵan nátiyjeler boyınsha qısqasha juwmaq.
Qadaǵalaw sorawları
1. UB, UE hám UK kúsheytgish kaskadlari arasında qanday ayırmashılıqlar bar (sxemaları, parametrleri hám xarakteristikaları )?
2. Tranzistordıń, tranzistorlı kúsheytgish basqıshınıń ekvivalent sxemasın sızıń.
3. Kúsheytgishtiń kirisiw hám shıǵıw qarsılıgın, kernewi, tok hám quwat boyınsha kúsheytiw koefficiyentlerin ólsheń (anıqlań ).
4. Tranzistorlı kúsheytgish basqıshında signal aynıwınıń payda bolıw sebepleri.
5. Shegaralıq chastotanı qanday túsinesiz?