61-dars. Mavzu: Timer obyekti va undan foydalanish Timer obyektining xossalari

61-dars.

Mavzu: Timer obyekti va undan foydalanish

Timer obyektining xossalari. Ba’zan ilovada vaqtga bog‘liq amallarni bajarishga to‘g‘ri keladi. Masalan, ilovada joriy vaqtni ko‘rsatuvchi soat bo‘lsa, har sekundda ko‘rsatilayotgan vaqtni yangilab turish kerak. Aks holda soatdagi vaqt orqada qolib ketadi. Test dasturida topshiriqni bajarish uchun ma’lum vaqt ajratiladi. Bu vaqt tugagach, test topshirish ham tugaydi. Taqdimotda har o‘n (yoki yigirma) sekunddan keyin yangi varaq ekranga chiqariladi. Animatsion ilovalarda harakatlanayotgan shaklning holati sekundiga bir necha marta yangilanib turadi. Timer obyekti obyektlar panelining System (Tizim) jildida joylashgan:

Taymer obyektining bor-yo‘g‘i ikkita xossasi bor. Ulardan birinchisi bizga boshqa obyektlardan tanish bo‘lgan Enabled (faol)dir. Bu xossa rost va yolg‘on qiymatlarni qabul qiladi. Uning qiymati True (rost) bo‘lishi bilan taymer ishga tushadi. Qiymati False bo‘lishi bilan taymer o‘z ishini to‘xtatib turadi. Dastlab bu xossaning qiymati Truega teng.

Taymerning ikkinchi xossasi Interval bo‘lib, unda taymer keyingi marta qancha vaqtdan keyin ishga tushishi ko‘rsatiladi. Bu vaqt millisekundlarda o‘lchanadi. Agar taymer har ikki sekundda bir martadan ishga tushishi kerak bo‘lsa, interval xossasi 2000 ga teng qilib o‘rnatiladi. Dastlab uning qiymati 1000 ga teng bo‘ladi.

Elektron soat va Timer ilovasi. Elektron soat ilovasini yaratamiz. Yangi ilova yaratib, uning sarlavhasini elektron soatga o‘zgartiramiz. Ilova oynasiga ikkita obyekt: Label va Timer joylaymiz. Label ning Font (shrift) xossasini ikki marta bosib, shrift muloqot oynasida shrift o‘lchamini 24 ga teng qilib o‘rnatamiz:

Timer obyektini ikki marta bosib, uning protsedurasiga Label1.Caption:=TimeToStr(Now); operatorini kiritamiz. Bu operatorda ikkita standart funksiyadan foydalanilayapti. Ulardan birinchisi Now (hozir) bo‘lib, uning qiymati kompyuteming soati bu funksiya ishga tushgandagi vaqtiga teng:

Timer ilovasi. Yangi ilova yaratib, uning oynasiga Label, Button, SpinEdit va Timer obyektlarmi joylaymiz. Label va Button sarlavhalarini QOLGAN VAQT: va START larga 0‘zgartiramiz.



Ko‘pburchak diagonallari ilovasini avtomatlashtirish. Avvalgi darsda yaratilgan muntazam N burchakning diagonallari nomli ilova ishini avtomatlashtiramiz. Undagi tugmani bosganimizda ilova avtomatik tartibiga o'tsin va har sekundda ko`pburchakning burchaklari sonini bittaga oshirib, uning barcha diagonallarini chizib chiqsin. Tugma yana bir marta bosilganda avtomatik tartibdan chiqib, kutish tartibiga o‘tsin. Tugma yana bir marta bosilganda ilova o‘z ishini davom ettirsin.
SAVOLGA JAVOB BERING:

1. Timer ishlatiladigan holatlarga misollar keltiring.

2. Timer obyekti obyektlar panelining qaysi jildida joylashgan?

3.Timer obyektining interval xossasi qanday vazifani bajaradi?

4.Timer obyektining Enabled xossasi qanday qiymat qabul qiladi va buqiymat o‘zgarganda qanday hodisa ro‘y beradi?




UYGA VAZIFA BAJARING:

1. Timer obyektining nechta xossasi bor?

HURMATLI O’QUVCHI, mavzuga oid berilgan ma’lumotlarni o’qib-o’rganing va tushungan joylaringizni daftaringizga yozing. Savollarga javob bering, uyga vazifani bajarib, familiya, ismingizni yozib elektron shaklda jonating.