6-sinf Tarix 6-“G”

Tashkiliy qism: Salomlashish. Davomat. Dunyo yangiliklari.
O’tilganni so’rash: Savol-javob.

1. 
   Songgi paleolit odami tashqi ko’rinishini tasvirlab bering.
   
2. 
   So’nggi paleolit davrining muhim ixtirolarini ayting.
   
3. 
   Eng qadimgi odamlar jamoasi urug’chilik jamoasidan nimasi bilan farq qiladi?
   
4. 
   Mezolit davri paleolit davridan nimasi bilan farqlanadi?
   
5. 
   Neolit davri ixtirolarini sanab bering.
   
6. 
   Ishlab chiqaruvchi xo’jalik ovchilik va termachilikdan nimasi bilan farqlanadi.
   

Yangi mavzu:

Metall davrining asosiy xususiyatlari. Neolit davrining oxirida odam lar misdan foydalanishga, undan mehnat qurollari yasashga o‘tishdi. Misdan yasalgan mehnat qurollarining tosh qurollar bilan birgalikda ishlatilish davri eneolit– mis-tosh asri deb ataladi. Bu davr mil. avv. 4 – 3- ming yillikning o‘rtalariga to‘g‘ri keladi.

Metallurgiya rivoji kishilarning moddiy va ma’naviy madaniyatiga katta ta’sir ko‘rsatdi. Mil. avv. 4-ming yillikda Qadimgi Sharqda ilk shaharlar va davlatlar vujudga kela boshladi. O‘rta Osiyo janubida sun’iy sug‘orishga asoslangan dehqonchilik vujudga keldi, xom g‘ishtdan ko‘p xonali uylar qurila boshlandi, idishlarni pishirish uchun kulolchilik xumdonlaridan foydalanishga kirishildi.

Sopol idishlar hayvonlarning, qushlarning tasvirlari va o‘simlik naqshlari (yaproqlar, gullar) bilan bezatila boshlandi. Odamlar misni eritib, qalay, qo‘rg‘oshin yoki

rux bilan qo‘shib, bronza olishni o‘rganganlar. Bronza misdan ko‘ra ancha qattiqligi tufayli mi l. avv. 3-ming yillik o‘rtalaridan boshlab asta-sekin mehnat qurollari, qurol-yarog‘lar va zeb-ziynatlar tayyorlashda ishlatiluvchi asosiy ashyoga aylanib qoldi. Bronza mehnat qurollariga ega bo‘lgan odamlar endi dalalarga ancha durust ishlov berish va ekin maydonlarini kengaytirish imkonini qo‘lga kiritdi. Natijada ular ixtiyorida ortiqcha miqdorda qishloq xo‘jalik mahsulotlari vujudga keldi. Chorvachilik asta-sekin dehqonchilikdan ajralib chiqa boshladi.