6 мавзу: Ўқитувчи-ўқувчи ўртасидаги конфликтлар Режа

вазифа. Ўқувчиларни қўллаб-қувватлаш стратегияси. 
Биз болани қандай бўлса шундайлигича, яъни унинг аҳмоқона қилиқларига, 
камчиликларига, ножўя ҳаракатларига қарамай қабул қилишимиз керак. Бу 
уларга ўзини хурмат қилиш ва ўз хулқ-атворини ўзгартиришига имкон беради. 
Ўқитувчи ўкувчига дарс давомида қанчалик эътибор қаратса, уни эшитса, уни 
мақтаса, шунга жавобан ўкувчи томонидан интизом бузиш ҳоллари камаяди. 
Ўзининг тан олинганлигини ҳис этиш инсон учун жуда муҳимдир. 
Ўкувчиларнинг фикри ҳурмат қилиниши, уларнинг қилаётган ишлари синф ва 
мактаб учун фойдали эканлигини кўрсатинг. Тўғри мақтов орқали интизомни 
тузатишга эришиш мумкин. 
Маъқуллаш. Ўқувчиларга уларнинг ижобий характер хусусиятлари ёки бирон 
нарсани амалга ошириш учун қилаётган ҳаракатлари, уларнинг қизиқишлари, 
эришган ютуқлари ҳақида гапириб туриш лозим. Чунки уларнинг ижобий 
хусусиятлари ўқитувчи томонидан тан олинса улар ўқитувчиларга ҳам яхши 
муносабатда бўладилар. 
Илиқ муносабатлар. Ўқитувчи келгусида ҳам қувонч билан эслаб туриладиган 
илиқ эмоционал муҳитни ярата олиши лозим. Чунки ўқитувчи ва ўқувчи 
ўртасидаги яхши муносабатлар синфда интизом бўлиши учун энг яхши 

---

воситадир. 
5- 
 вазифа. Ота-оналар ва бошқа фан ўқитувчиларини жалб этиш. 
Ўқитувчининг мазкур муаммо бўйича олиб бораётган ишининг самарадорлиги 
бу жараёнга ота-оналарни жалб қилнш орқали ҳам ортади. Қачонки ўқитувчилар 
ва ота-оналарнинг ҳаракатлари бирлашса, бир мақсад сари ҳамкорликда иш 
кўрсалар натижага тезроқ эришилади. Сир эмаски, тарбияси қийин болаларнинг 
оилалари, ота-оналари ҳам шундайлар қаторига киради. Оилавий тарбиянинг 
авторитар ёки бепарволик усули таълим олишда яхши натижаларга эришиш 
имконини бермайди. Шунинг учун ота-оналар муносабатлари усулини 
ўзгартириш ўкувчининг хулқ-атворининг ўзгаришига ва унинг фанларни 
ўзлаштиришига сабаб бўлади Тарбияси қийин болаларнинг ота-оналари билан 
ўзаро муносабатларини йўлга кўйиш учун бир неча қоидаларга риоя қилиш 
зарур ҳисобланади.