6 mavzu. Ekskursiya xizmati marshrutini tuzish va sinov ekskursiyasini o‘tkazish tartibi

Har bir ekskursiya mavzusi uchun zaruriy hujjatlar ro‘yxati

T/r	Hujjatning nomi	Hujjatning mazmuni
1	Mavzu bo‘yicha adabiyotlar ro‘yxati	Mazkur ekskursiya mavzusini tayyorlash uchun foydalanilgan kitoblar, maqolalar, broshyuralar, davriy nashrlar ro‘yxati beriladi.
2	Marshrutga kiritilgan ob’ektlar kartochkasi	Ekskursiya ob’ektini tavsiflovchi ma’lumotlar bo‘lib, unda ob’ekt nomi, joylashuvi, qisqacha ta’rifi, muallifi va barpo etilgan yili beriladi.
3	Ekskursiyaning asosiy matni	Mavzuni yorituvchi saralangan va manbalarga tayanib tayyorlangan matn. Matn mazmuni mavzuostilar va asosiy savollarni yoritib beradi, tashkiliy qism, xulosa, mantiqiy o‘tishlarga asos bo‘ladi.
4	Gidning individual matni	Uslubiy ishlanmaga mos keladigan aniq bir gid tomonidan tayyorlangan matn.
5	Marshrut sxemasi	Ekskursiya guruhi harakatlanadigan yo‘l alohida varaqda ko‘rsatiladi. Marshrutning boshlanishi va oxirgi nuqtasi, ko‘rsatiladigan ob’ekt to‘xtash joylari belgilangan bo‘ladi.
6	«Gid portfeli»	Chizmalar, namunalar, hujjatlar, rasmlar, xaritalar, reproduksiyalar va fotosuratlar jamlangan papka.
7	Mavzuning texnologik xaritasi	Ekskursiyani o‘tkazish bo‘yicha tavsiyanomalar, ob’ektlarni ko‘rsatish va hikoya qilish usullari beriladi. Ob’ektlarni, ko‘rgazmali vositalarni ko‘rsatish ketma-ketligi aniqlanadi.
8	Ekskursiya materiallari	Referatlar, jadvallar, raqamli ma’lumotlar, hujjatlar nusxasi, adabiyotlardan sitatalar beriladi.
9	Mavzu bo‘yicha ekskursiya o‘tkazadigan gidlar ro‘yxati	Ushbu ro‘yxatda maxsus buyruq bilan tasdiqlangan gidlar kiritiladi.