6 mavzu. Boshqaruv hisobini tashkil etish reja: 1

etishda muhim omil mazkur hisob turining iqtisodiy samaradorligi 
hisoblanadi. Iqtisodiy samaradorlik boshqaruv hisobining ko'lami va uning 
kompyuterlashtirish darajasiga bevosita bog'liq. Bu samaradorlikka uni 
tashkil etishga sarflangan xarajatlar to'liq qoplangandagina erishiladi. 
 
2. Savdo va sanoat korxonalarida integrasiyalashgan hisob tizimini 
avtomatlashtirish xususiyatlari 
 
Bozor munosabatlari sharoitida korxonalar boshqaruv hisobida 
zamonaviy kompyuter texnologiyalari va dasturlaridan foydalanish hisob 
tizimi oldida turgan dolzarb masalalardan biri hisoblanadi. 
Boshqaruv hisobining integrasiyalashgan hisobini samarali joriy etish 
korxonalar hisob tizimida kompyuter texnologiyalarining qo'llanilish 
darajasiga bog'liq. Bunda korxona bo'linmalari faoliyatini avtomatlashtirish 
orqali qo'lda bajariladigan qog'oz va yozuv-chizuv ishlarini kamaytirish, zarur 
hollarda tezkor boshqaruv axborotlarini olish imkoniyati yaratilishi lozim. 
Ushbu masalani hal qilish uchun korxona boshqaruvi va bo'linmalar o'rtasida 
o'zaro boglangan, yagona kompyuter tizimi (to'ri) o'rnatiladi hamda 
ma'lumotlarni tezkor uzatish yo'lga qo'yiladi.
Savdo korxonalarida integrasiyalashgan hisob tizimida kompyuter 
texnologiyalarini qo'llash quyidagi faoliyatga nisbatan tatbiq etiladi: 
- ulgurji tovarlar yetkazib berish; 
- boshqa xizmatlarni ko'rsatish. 
Bunda barcha xo'jalik muomalalari kompyuter dasturlarida quyidagi 
belgilarga ajratilgan holda ifodalanadi: 
- faqat boshqaruv hisobida aks ettiriladigan xo'jalik muomalalari; 
- faqat moliyaviy hisobda aks ettiriladigan xo'jalik muomalalari; 
- moliyaviy va boshqaruv hisobida aks ettiriladigan xo'jalik muomalalari.