6-mavzu. Axborot tizimlari va nazorat asosida qaror qabul qilish axborot texnologiyalari va kommunikatsiyalarining joriy etilishini nazorat qilish, ularni himoya qilish tizimini takomillashtirish chora-tadbirlari to‘G‘risida

6-bob. Davlat inspeksiyasi rahbarlarining javobgarligi
23. Davlat inspeksiyasi boshlig‘i quyidagilar uchun shaxsan javobgardir:
1) Davlat inspeksiyasiga yuklangan vazifalar va funksiyalarning bajarilishi;
2) Davlat inspeksiyasining ushbu Nizom 15-bandida nazarda tutilgan javobgarlik sohalari bo‘yicha;
3) ushbu Nizomning 20-bandida ko‘rsatilgan o‘z funksional majburiyatlarining sifatli bajarilishi.
24. Davlat inspeksiyasi boshlig‘ining o‘rinbosarlari quyidagilar uchun shaxsan javobgardir:
1) mutasaddilik qilinadigan bo‘linmalar va hududiy inspeksiyalar tomonidan Davlat inspeksiyasiga yuklangan vazifalar va funksiyalarning bajarilishi;
2) ushbu Nizomning 15-bandida nazarda tutilgan Davlat inspeksiyasi javobgarlik sohalarining o‘zi nazorat qiladigan masalalar qismi;
3) ushbu Nizomning 21-bandida ko‘rsatilgan o‘z funksional majburiyatlarining sifatli bajarilishi.
25. Hududiy inspeksiyalar boshliqlari quyidagilar uchun shaxsan javobgardir:
1) hududiy inspeksiyalarga yuklangan vazifalar va funksiyalar amalga oshirilishi;
2) hududiy inspeksiyalarning ushbu Nizom 19-bandida nazarda tutilgan javobgarlik sohalari bo‘yicha;
3) ushbu Nizomning 22-bandida ko‘rsatilgan o‘z funksional majburiyatlarining sifatli bajarilishi.
7-bob. Davlat inspeksiyasi faoliyatini tashkil etish
§ 1. Davlat inspeksiyasiga rahbarlik qilish
26. Davlat inspeksiyasiga belgilangan tartibda lavozimga tayinlanadigan va lavozimdan ozod qilinadigan boshliq rahbarlik qiladi.
27. Davlat inspeksiyasi boshlig‘i uning buyrug‘i bilan lavozimga tayinlanadigan va lavozimidan ozod qilinadigan uch nafar o‘rinbosari, shu jumladan, bir nafar birinchi o‘rinbosariga ega bo‘ladi.
28. Davlat inspeksiyasi raisi maqomi, moddiy ta’minoti, transport va tibbiy xizmat ko‘rsatish bo‘yicha vazirga, uning o‘rinbosarlari esa tegishlicha vazir o‘rinbosarlariga tenglashtiriladi.
29. Davlat inspeksiyasi boshlig‘i Kompyuterlashtirish va axborot-kommunikatsiya texnologiyalarini rivojlantirish bo‘yicha muvofiqlashtirish kengashining a’zosi hisoblanadi.
30. Hududiy inspeksiyalarga Davlat inspeksiyasi boshlig‘i tomonidan lavozimga tayinlanadigan va lavozimdan ozod qilinadigan boshliqlar rahbarlik qiladi.