6-Ma`ruza Mavzu: yigirish mahsulotlari notekisligi

Davriy notekislik - mahsulot ko’rsatkichlarining o’rtacha qiymatdan chetga chiqishlari vaqt davomida to’g’ri va ketma-ket bo’lib texnologik jarayonlarning shart-sharoiti bilan izohlanadi.

Masalan, cho’zish asbobidagi tsilindr va valiklarning har bir aylanishidagi urilishi (bienie) yoki ekstsentrik (markazdan siljitib) o’rnatilishi. Bu turda amplituda va tebranish to’lqinining uzunligi davriy qonuniyatni ko’rsatadi.

Nodavriy notekislik (tasodifiy) - mahsulot ko’rsatkichlarining o’rtacha qiymatdan chetga chiqishi vaqt davomida bir xil bo’lib, amplituda va

tebranish to’lqinining uzunligi tasodifiy qonuniyatga bo’ysunadi. Bunga cho’zish natijasida hosil bo’lgan notekislik misol bo’la oladi.

Funktsional notekislik - mahsulot ko’rsatkichlarining o’rtacha qiymatdan

chetga chiqishi vaqt davomida bir tomonlama o’zgarib boradi, ya`ni ko’payib yoki kamayib boradi (pilta, pilik qirqimlari misol bo’la oladi).

Mahalliy notekislik (hududiy) - mahsulot ko’rsatkichlarining qisqa vaqt orasida birdan (keskin) o’zgarishi bilan ifodalanadi. Mashinaning normal ishlashi bo’zilganda, to’xtatilib yurgizilganda, xolstcha

yangisiga almashtirilganda, cho’zish asbobi o’z vaqtida tozalanmaganda va nihoyat tsex tozalanayotganda momiqlarni pilik yoki ipga tushib qolishi oqibatida sodir bo’ladi.