6-bob. Yuridik va jismoniy shaxslar mol-mulkiga solinadigan solig’q

6- Masala. Quyidagi ma’lumotlar asosida jismoniy shaxslardan olinadigan mol-mulk solig‘ini hisoblang:

1. Тoshkent shahar Olmazor ko‘chasi 23-uy 5-xonadonda istiqomat qiluvchi A.Po‘latov pensioner hisoblanadi. Fuqaroning nomidagi xonadonning jismoniy shaxslar mol-mulkini baholash bo‘yicha organ tomonidan belgilangan inventarizatsiya qiymati 30 200 000 so‘mni;

2. Uyning umumiy maydoni 110 kv.m.ni tashkil etadi.

Yechim: Pensioner A.Po‘latovning 2017 yil uchun mol-mulk solig‘ini hisoblash tartibi quyidagicha bo‘ladi.

Soliq kodeksining 275-moddasi 5-bandiga muvofiq, qonun hujjatlarida belgilangan soliq solinmaydigan maydon o‘lchami doirasida pensionerlarga imtiyoz berilgan.

O‘zbekiston Respublikasi Prezidentining 2016 yil 27 dekabrdagi “O‘zbekiston Respublikasining 2017 yilgi asosiy makroiqtisodiy ko‘rsatkichlari prognozi va Davlat byudjeti parametrlari to‘g‘risida”gi PQ-2699-sonli Qarorida soliq solinadigan mol-mulkka egalik qiladigan pensionerlar uchun mol-mulk solig‘i bo‘yicha soliq solinmaydigan maydon umumiy maydonning 60 kv.m. hajmida belgilangan.

Soliqqa tortiladigan mol-mulk qiymati:

(30 200 000 – 30 200 000/110 kv.m. x 60 kv.m.) =

( 30 200 000 – 16 472 727,30) = 13 727 272,70

Shaharlarda joylashgan, umumiy maydoni 200 kv.m. bo‘lganda jismoniy shaxslarning mol-mulkiga solinadigan soliq stavkasi, mol-mulkning inventarizatsiya qiymatiga nisbatan 1,7% stavkada hisoblanadi.

Yillik soliq summasini hisoblaymiz:

(13 727 272,7 x 1,7%) = 233 363,6 so‘m