6-bob. Yuridik va jismoniy shaxslar mol-mulkiga solinadigan solig’q

5- Masala. Quyidagi ma’lumotlar asosida jismoniy shaxslardan olinadigan mol-mulk solig‘ini hisoblang:

Fuqaro I.Sodiqov Тoshkent shahar Muqumiy ko‘chasida istiqomat qiladi. I.Sodiqovning yashab turgan xonadoni jismoniy shaxslar mol-mulkini baholash bo‘yicha organ tomonidan baholanmagan.

Yechim: Fuqaro I.Sodiqovga 2017 yil uchun mol-mulk soligini hisoblash tartibi quyidagicha bo‘ladi.

O‘zbekiston Respublikasi Prezidentining 2016 yil 27 dekabrdagi “O‘zbekiston Respublikasining 2017 yilgi asosiy makroiqtisodiy ko‘rsatkichlari prognozi va Davlat byudjeti parametrlari to‘g‘risida”gi PQ-2699-sonli Qarorida jismoniy shaxslar mol-mulkini baholash bo‘yicha organlar belgilagan inventarizatsiya qiymati bo‘lmasa, soliq undirish uchun Тoshkent shahri va viloyat markazlarida 20328,0 ming so‘m, boshqa shaharlar va qishloq joylarda - 8 833,0 ming so‘m miqdorida mol-mulkning shartli qiymati qabul qilinishi belgilab qo‘yilgan. Shu bilan birga , umumiy maydoni 200 kv.m. bo‘lganda jismoniy shaxslarning mol-mulkiga solinadigan soliq stavkasi, mol-mulkning inventarizatsiya qiymatiga nisbatan 1,7%, 200 kv.m. dan oshiq va 500 kv.m. gacha bo‘lganda 2,1%, 500 kv.m. dan oshiq bo‘lganda 2,9% miqdorida belgilangan. Хonadonning umumiy aydoni 180 kv.m. bo‘lganligi sababli 20328,0 ming so‘m miqdorida mol-mulkning shartli qiymati asosida 1,7% stavkada mol-mulk solig‘i hisoblanadi.

Yillik soliq summasini hisoblaymiz:

(20 328 000 x 1,7%)= 345 576 so‘m