6. bap. ÓNDİRİSLİk shIǵinlar. ÓNDİRİs tensalmaqliliǵI

Juwmaqlar
* Óndirislik shıǵınlar-ónimdi islep shıǵarıw prosessinde jumsalǵan, paydalanılǵan óndirislik resurs (faktor)lardıń qunınıń pullay ańlatılıwı.
* Shıǵınlar funksiyası-belgili bir muǵdardaǵı ónimdi islep shıǵarıw ushın jumsalatuǵın minimal shıǵınlar menen sol ónim kólemi arasındaǵı baylanıs. Firma minimal shıǵınlar menen ónim islep shıǵarıw ushın ózgeriwshi faktorlardıń kólemin, resurslardı óz-ara texnikalıq almasıwdıń shekli norması (MRS_kn) olardıń bahalarınıń qatnasına teń dárejede etip anıqlawı hám paydalanıwı kerek.
* Ózine túser baha-firmanıń ónimlerdi islep shıǵarıw hám realizasiya qılıw shıǵınları
* Qısqa múddette ulıwma shıǵınlar-turaqlı hám ózgeriwshi shıǵınlar summası. Turaqlı shıǵınlar islep shıǵarılǵan ónimlerdiń kólemine ǵárezsiz, ózgeriwshi shıǵınlar kólem ózgerse ózgeredi.
* Ortasha shıǵınlar-ulıwma shıǵınlardıń kóleminiń islep shıǵarılǵan ónimler kólemine qatnası.
* Óndiris teńsalmaqlılıǵı-óndirislik resurslardı paydalanıw nátiyjesinde maksimal ónim jetistiriwge múmkinshilik beretuǵın óndiris jaǵdayı. Óndiristiń maksimal kólemi izokvanta hám izokosta sızıqlarınıń urınba tochkasında erisiledi.
* Shekli shıǵınlar-qosımsha bir-birlik ónimdi islep shıǵarıw ushın jumsalǵan shıǵın hám óndiris kóleminiń ózgerisiniń shıǵınlar kóleminiń ózgerisine qatnasına teń.
* İzokosta- firmalardıń bar bolǵan ǵárejetine qanday muǵdardaǵı faktorlar birikpeleriniń kombinasiyaların satıp alıw múmkinshiligi.
* Uzaq múddetli dáwirde ónim jetistiriw kólemine qaray barlıq óndirislik resurslar ózgeriwshi boladı, sebebi bul muddette firma barlıq faktorlardı azaytıw hám kóbeytiw múmkinshiligine iye.
Tiykarǵı terminler:
Ulıwma shıǵınlar
Ortasha shıǵınlar
Shekli (marjinal) shıǵınlar
İzokosta
Óndiris teńsalmaqlılıǵı