6 – лаборатория иши

5 – ЛАБОРАТОРИЯ ИШИ

ЎЗГАРМАС ТОК ПОТЕНЦИОМЕТРИ ЁРДАМИДА ҲАР ХИЛ КАТТАЛИКАЛРНИ ЎЛЧАШ

I. Ишнинг мақсади

Ўзгармас ток занжирида компенсацион ўлчаш усулини ўрганиш, Р37-1 типидаги ўзгармас ток потенциометрининг схемаси билан танишиш. Ўзгармас ток потенциометри ёрдамида ҳар хил электрик катталиклар - кучланиш, ток ва қаршиликларни ўлчаш усули билан танишиш.

II. Ишнинг назарий қисми

1.Ўзгармас ток потенциометрлари.

1. 
   -расмда қўл билан мувозанатланувчи ўзгармас ток потенциометрининг схемаси келтирилган.
   

6.1-расм. Ўзгармас ток потенциометрининг схемаси

Потенциометр ёрдамида номаълум э.ю.к. -"E_X"ни ўлчаш жараёни икки қисмдан иборат бўлади.

1) Хар бир потенциометр типи учун аниқ қийматга эга бўлган иш токи I_H ни ўрнатиш;
2) Номаълум э.ю.к. Е_Х ни ўлчаш.
Иш токи I_Н ни ўрнатиш учун улагич У "1" ҳолатига қўйилади ва R_P қаршиликни ўзгартириб гальванометр кўрсаткичи нолга келтирилади. Бунда намуна R_H қаршиликдаги кучланиш пасайиши нормал элемент электр юритувчи кучи Е_Н га тенг бўлади:
Е_Н =I_Н R_H (6.1)

Бу ифодадан иш токини топамиз:

(6.2)
Сўнгра улагич У "2" га қўйилади ва R_к қаршилик дастаси Д ни суриб U_K , E_X га тенглаштирилади, яъни бу ҳолда ҳам гальванометр кўсаткичи нолга келтирилади.


E_X=U_K=I_И R_K (6.3)

ёки (6.2) ифодани ҳисобга олиб (6.3) ни қуйидагича ёзамиз:

(6.4)
Ифода (6.3) шуни кўрсатадики, ноъмалум э.ю.к. Е_Х ни ўлчаш давомида иш токининг қиймати ўзгармас бўлиши керак.
Ўзгармас ток потенциометри Е_Х ни юқори аниқлик билан ўлчайди. Бу аниқлик (6.4) ифодага биноан нормал элемент э.ю.к. қийматининг аниқлиги, намунавий қаршилик R_H, ҳамда компенсацион қаршилик R_K қийматларининг аниқлигига боғлиқ. Нормал элемент иш токини ўрнатиш учун хизмат қилади; унинг аниқлик синфи 0,005. R_H ва R_K қаршиликлар жуда юқори аниқлик билан тайёрланади, уларнинг хатолиги 0,02 фоиздан катта бўлмайди.
Шуни таъкидлаб ўтиш керакки, потенциометрнинг мукаммаллиги асосан компенсацион қаршиликнинг схемаси ва конструкциясига боғликдир. компенсацион қаршиликлар жуда хилма хилдир. Аниқлиги жуда паст бўлган потенциометрларда компенсацион қаршилик қаршилик магазинлари ва реохорддан иборат бўлади.
Аниқлиги юқори бўлган ўзгармас ток потенциометрларида реохорд ишлатилмайди. компенсацион қаршилик шунтловчи декадалар ва ўрнини босувчи декадалар деб аталувчи схемалар бўйича бажарилади.
Ўзгармас ток потенциометрлари иш токи занжирининг қаршилигига қараб икки гуруҳга бўлинади: кичик қаршиликли ёки паст oмли потенциометрлар ва катта қаршиликли ёки юқори омли потенциометрлар.
Паст омли потенциометрлар тахминан 0,1 V гача бўлган кичик э.ю.к. ларни ўлчашда қўлланилади. Уларнинг иш токи 1-10-25 mA га тенг бўлиб, қаршилиги эса бир неча 10 Ω дан иборат бўлади. Бу потенциометрларда ноль кўрсаткич сифатида кичик критик қаршиликка эга бўлган магнитоэлектрик гальванометрлар ишлатилади.
Юқори омли потенциометрларда иш токи занжирининг қаршилиги 1 V га 10000 Ω тўғри келади. Одатда иш токи 0,1 mA га тенг. Ноль кўрсаткичи сифатида катта критик қаршиликка эга бўлган магнитоэлектрик гальванометр қўлланилади. Бундай потенциометрларнинг ўлчаш чегараси 1,2 + 2,5 V бўлади. Ўзгармас ток потенциометрлари кучланиш, э.ю.к., ток ва электр қаршиликларини ўлчаш, ҳамда намуна асбоблар - амперметр, вольтметр ва ваттметрларни текшириш учун қўлланилади.
Ўзгармас ток потенциометрларининг афзалликлари қуйидагилардан иборат:
1. Юқори аниқлик.
2. Ўлчанаётган кучланиш манбаидан ҳеч қандай қувват сарфланмайди.