5А320401- kimyoviy texnologiya (ishlab chiqarish turlari bo’yicha) magistratura talabalari uchun

Xalqaro standartlashtirishda qatnashuvchi xalqaro tashkilotlar. BMT ning Yevropa komissiyasi - bu BMT dagi EKOSOS ning organidir. (BMT ning iqtisodiy, ijtimoiy kengashi). Bu tashkilot avval 1947 urushdan zarar ko’rgan mamlakatlarga yordam ko’rsatuvchi vaqtincha tashkilot sifatida tashkil etilgan. Keyinchalik 1951 yilda BMT ning EKOSOSi EIK vakolatlarini belgilanmagan muddatga BMT doirasida davlatlararo iqtisodiy hamkorlikni rivojlantirishda faoliyat yo’nalishlarini aniqlagan holda uzaytirish bo’yicha qaror qabul qildi. BMT EIK ning standartlashtirish sohasidagi asosiy vazifasiga hukumat darajasidagi standartlashtirish siyosatidagi asosiy yo’nalishlarini ishlab chiqish va bu sohadagi afzalliklarni aniqlashdan iboratdir.

BMT ning oziq – ovqat va qishloq xo’jalik tashkiloti (FAO). Bu tashkilot 1945 yilda BMT ning hukumatlararo ixtisoslashgan tashkilot sifatida tashkil topgan. Uning a’zolari tahminan 160 davlatdan iborat. Tashkilotning Nizomga ko’ra maqsadi - xalqlar hayoti va ovqatlanish darajasini ko’tarish bo’yicha individual va hamkorlikdagi harakatlar orqali umumiy farovonlikni ko’tarishga, ishlab chiqarish unumdorligini oshirishga hamda oziq – ovqat va qishloq xo’jalik mahsulotlarini taqsimlashga, qishloq aholisining yashash sharoitini yaxshilashga ko’maklashishdir.

Sog’liqni saqlash umumjahon tashkiloti (SSUT). Bu tashkilot 1948 yilda BMT ning iqtisodiy va ijtimoiy Kengashi tashabbusiga ko’ra tashkil etilgan va BMT ning ixtisoslashgan tashkiloti hisoblanadi. SSUT ning Nizom bilan aniqlangan maqsadi - barcha xalqlar sog’ligini yuqori darajaga ko’tarishdir. (Sog’lik - jismoniy, ruhiy va ijtimoiy farovonlik yig’indisi sifatida talqin etiladi). SSUT 1977 yilda o’zining strategiyasi qilib, umumiy sog’likka 2000 yilgacha erishishni belgilab oldi. Bu tashkilotga 180 dan ortiq davlatlar, jumladan Rossiya ham - a’zodir. SSUT shug’ullanadigan keng doiradagi muammolar ichida asosiy e’tibor sog’liqni saqlash xizmatini rivojlantirishga, kasalliklarni oldini olish va ular bilan kurashishga, keng doiradagi sogliqni saqlash kadrlarini tayorlashga, atrof muhitni yaxshilashga qaratilgandir. SSUT ISO da konsultativ statusga ega va 40 dan ortiq qo’mitalar ichida ishtirok etadi. Xususan, ichimlik suvi sifatiga e’tibor berib ichimlik suvlari uchun quvurlarni standartlashtirish bo’yicha, ishlarda, shuningdek bunda foydalaniladigan plastmassalar va ularga talablar qo’yishda qatnashgan.