5-tema : Aqılı zayıp balalar ushın arnawlı ta`rbiya mekemelerinde korrektsion-pedagogikalıq protsessti sholkemlestirıw

Gurrin`lesiw metodi. Gurrin`lesiw aniqlaniwi kerek bolg`an ma`selelerdi aydinlastirip aliw maqsetinde,aldinnan duzilgen joba boyinsha o`tkiziledi. Gurin` jeke ta`rtipte ha`mde ja`ma`a`t formasinda boliwi mumkin. Gurrin`lesiw balalar turmisinin` ol yamasa bul waqiyalar haqqindag`i qizig`iwshiliqlarin, pikirlerin ha`m dodalawlarin aniqlap aliwg`a ja`rdem beredi. Gurrin`lesiw balalar menen ha`m, ulken jastag`i insanlar menen ha`m o`tkiziledi.
Gurin`lesiwden metod sipatinda paydalaniwda onin` maqset ha`m jobasin aniq belgilep aliw kerek. Gurrin`lesiwdin` bariwi toliq jazip alinadi. Bunin` ushin gurrin` izertlenip atrig`an insang`a bildirmey, magnit lentasina jazip aliniwi lazim.
Anketa joli menen soraw metodinin` basqa metodlardan abzallig`i sonda, qisqa waqit ishinde anketa arqali ko`p insanlarg`a sorawlar berip, olardan jazba juwaplar aliwi mumkin. Aling`an juwaplar keyin islep shig`iladi ha`m analizlenedi.
Hujjetler ha`m balalar islerin uyreniw metodi. Pedagogikaliq hujjetlerdi uyreniy arqali izertlewshi uyrenilip atirg`an ob`ekt haqqindag`i ha`r qiyli mag`liwmatlardi bilip aladi. Bug`an mektepke shekemgi a’rnawli ta`rbiya mekemeleri basliqlari, ta`rbiyashilarinin` jobalari ha`m esa`atlari, esitiwinde kemshiligi bar balalar baqshasita`rbiyalaniwshilardin` suwretleri, ilay ha`m plastalinnen jasalg`an zatlar ha`m usi siyaqlilar kiredi.
Ma`selen, balalardin` ansha aldin sizgan suwretlerin qarap shig`iw, analizlew, balalarg`a berilgen tapsirmalardin` qay da`rejede bekkemlesip barg`anin, olarda suwretlew iskerligi qanday rawajlanip barg`anlig`in aniqlawg`a ha`mde olar menen alip barilatug`in keyingi islerdi belgilewge ja`rdem beredi. Ma`seleni teren`irek uyreniw ushin pedagogikaliq eksperimentten paydalaniladi. Pedagogikaliq eksperiment - ta`lim protsessine jan`a na`tiyjeli pedagogikaliq jan`aliq kirgiziw. Bul eksperimentti o`tkiziwdeoqiw protsessin buzbaw kerek. Kirgizilgen jan`aliq oqiw ta`rbiya isn jaqsilawg`a ja`rdem berse, ol unamli jan`aliq boladi. Bazi bir ta`jiriybelerdi o`tkiziw ushin arnawli shart-sharayatlar jaratiladi, arnawli xana ajratiladi, bazi birde arnawli apparat qollaniladi, bir-eki balani ayriqsha ajratip alinadi, bul laboratoriya eksperiment esaplanadi.