5 tashabbus ijrosini taminlash bo’yicha amalga oshirilgan ishlar

14-30 yoshdagilar uchun dasturlash asoslari, kompyuter grafikasi, robototexnika, veb va mobil ilovalar yaratishga oid jami 19 ta fan dasturlari ishlab chiqildi.
Mazkur markazlarda xozirgacha 5,0 ming nafar tinglovchi o‘quv kurslarini yakunladi, hozir 600 nafar tinglovchi tahsil olmoqda.
Ushbu Raqamli texnologiyalar o‘quv markazlarini 2020 yil yakuniga qadar
80 ta yetkazishga rejalashtirilmoqda. Bundan asosiy maqsad aholining kompyuter savodxonligini yanada oshirishga xizmat qiladi.
Bulardan, tashqari vazirlik tomonidan 2019 yilda Hindistonning Amiti universiteti bilan hamkorlikda Toshkent shahridagi Amiti universiteti o‘z faoliyatini yo‘lga qo‘ydi.
Muhammad al-Xorazmiy nomidagi ixtisoslashtirilgan maktabning 1200 o‘rinli zamonaviy yangi binosi foydalanishga topshirildi.
Vazirlar Mahkamasining qaroriga asosan, Dasturiy mahsulotlar va axborot texnologiyalari texnologik parki “IT-Park” tashkil qilindi.
O‘zbekiston Respublikasi Prezidenti Shavkat Mirziyoyev Oliy Majlisga yo‘llagan Murojaatnomasida Toshkent shahrida zamonaviy infratuzilmaga ega bo‘lgan Dasturiy mahsulotlar va axborot texnologiyalari texnologik parki “IT-Park” barpo etilyotganini, u hozirdanoq o‘zining dastlabki natijalarini bera boshlaganini ta’kidladi.
Shuningdek, bunday “IT-Park”lar Nukus, Buxoro, Namangan, Samarqand, Guliston va Urganch shaharlarida ham tashkil etilishi aytildi. Hozirda ushbu xududlarda ishlar keng qamrovli olib borilmoqda.
Shu bilan birga yoshlarni ushbu sohaga yanada qiziktirish maqsadida, Birlashgan Arab Amirliklari bilan hamkorlik doirasida “Bir million dasturchilari” (One Million Uzbek Coders) loyihasi amalga oshirilmoqda.
Respublika telekommunikatsiya infratuzilmasini zamon talablari darajasida keskin rivojlantirish orqali Internet tarmog‘ini kengaytirish va buning natijasida barcha aholi maskanlarini, shuningdek ijtimoiy soha ob’ektlarini, jumladan sog‘liqni saqlash, maktabgacha ta’lim muassasalari va umumta’lim maktablarini yuqori tezlikdagi Internet bilan ta’minlash bo‘yicha bo‘yicha ishlar amalga oshirilmoqda
Respublikada telekommunikatsiya infratuzilmasini rivojlantirish orqali 2019 yil yakuniga qadar 3 433 ta umumta’lim maktablari, 1 836 ta maktabgacha ta’lim muassasalari va 1 127 ta sog‘liqni saqlash ob’ektlariga jami 4 150 km optik tolali aloqa liniyalari tashkil etilgan.
2020-2021 yillarda jami 12 mingta ijtimoiy soha ob’ektlari, ya’ni sog‘liqni saqlash, maktabgacha ta’lim muassalari va umumta’lim maktablarining yuqori tezlikdagi Internetga ulanishi ta’minlanadi.
Birgina 2020 yilda optik tolali aloqa liniyalari qurish orqali jami sog‘liqni saqlash muassasalarining 95 foizi (3 340 ta), umumta’lim maktablarning 86 foizi (8 710 ta) hamda barcha maktabgacha ta’lim muassasalarini (5 707 ta) yuqori tezlikdagi Internet tarmog‘iga ulanishi ta’minlanadi.
2021 yilda esa barcha ijtimoiy soha ob’ektlari yuqori tezlikdagi internet bilan ta’minlanadi hamda chekka olis hududlardagi aholi maskanlarida ham telekommunikatsiya xizmatlaridan foydalanish imkoniyati yaratiladi.
Matbuot anjumani davomida ommaviy axborot vositalari vakillari tomonidan berilgan savollarga atroflicha javob berildi.

O‘zbekiston Respublikasi Prezidentining 5 ta tashabbusi doirasida III-yo‘nalishi “Aholi va yoshlar o‘rtasida kompyuter texnologiyalari va internetdan samarali foydalanishni tashkil etish” masalalasiga ijobiy yechim topish uchun quyidagi ishlarni amalga oshirish maqsadga muvofiqdir:

1. 
   Oliy ta’lim ,umumiy o’rta ta’lim va maktabgacha ta’lim pedagog hodimlari hamda talaba va o’quvchilarni kompyuter savodxonligini oshirish.
   
2. 
   Oliy ta’lim ,umumiy o’rta ta’lim va maktabgacha ta’lim va boshqa davlat tashkilotlarini kompyuter qurilmalari va yuqori tezlikdagi internet bilan taminlash.
   
3. 
   Barcha tashkilot raxbarlari o’z hodimlari ichidan kompyuter bo’yicha bilim ko’nikmaga ega bo’lganlarini hodimlari o’rtasida seminar treninglar o’tkazishga jalb qilish.
   
4. 
   Aholi o’rtasida internetdan xavfsiz va to’g’ri foydalanishni yo’lga qo’yish va ularga bu bo’yicha tushuntirish ishlarini olib borish.
   
5. 
   Kompyuter savodxonligini oshiruvchi va IT,kompyuter grafikasi,dizayn va boshqa yo’nalishlarni o’rgatuvchi kurslarni tashkil etish.Buning uchun malakali ustozlar yoki shu soxag o’qiyotgan talaba yoshlarni jalb qilish hafta davomida 2 yoki 3 marta seminar treninglar tashkil etish.
   
6. 
   Barcha davlat tashkilotlarida bo’sh vaqtni mazmunli o’tkazish va treninglar tashkil etish uchun komputer va internet tarmog’I bilan taminlangan kabinetlar tashkil etish.
   
7. 
   Barcha davlat tashkilot va ta’lim muassasalari raxbarlari,talabalar va o’quvchilarni kompyuter savodxonligi bo’yicha bilimlarini tekshirish maqsadida bosqichli sinovlarni o’tkazish.
   
8. 
   Har bir tumanda 1 yoki 2 tadan IT o’qitish markazlarini tashkil etish.Bunga iqtidorli yoshlarni jalb qilish va ularni qayta tayyorlash.
   
9. 
   Internet tarmog’I xavfsizligini taminlash va noqonuniy saytlarga cheklovlar qo’yish kiber xavfsizlik masalasini yuqori darajaga ko’tarish.
   

Yuqorida ko’rsatilgan ishlar 5 ta tashabbusi doirasida III-yo‘nalish bo’lgan “Aholi va yoshlar o‘rtasida kompyuter texnologiyalari va internetdan samarali foydalanishni tashkil etish” masalalasini tezroq va ijobiy hal qilishda muhim bo’g’in bo’lib xizmat qiladi.