ko‘ngil olami, serqirra fi kr-kechinmalarini yoritishni asosiy maqsad qilgani bois
adabiy ta’limda bilim berish bilan birga estetik tarbiya asosiy o‘ringa ko‘tariladi.
Bu ta’lim oluvchining poetik idrokini shakllantirish va rivojlantirish, tafakkurini
boyitish maqsadlariga ham xizmat qiladi. Ayni jihatlarni e’tiborga olib bugungi
adabiyot o‘qitish mazmunini takomillashtirish, zamonaviy ta’lim texnologiyalari,
interfaol metodlardan foydalangan holda adabiy ta’lim samaradorligiga erishish
davr talabiga aylangan. Bunda texnologik jarayonning yaxshi natija, samara berishi
uchun pedagogik texnologiyaning puxta loyihalashtirilganligi va o‘qituvchining
ramzlar, ishoralar, shama, qochirimlar, istioralardan foydalana olishi, nutq ohangi,
18
so‘z jozibasiga e’tibor berishi hamda ifodali o‘qish san’atini egallaganligi muhim.
Zero, o‘quvchilarning badiiy adabiyot to‘g‘risidagi tushuncha va tasavvurlari,
nazariy bilim va malakalari aynan umumiy o‘rta ta’limda shakllanadi. Bu
bosqichda o‘quvchilarning badiiy tafakkuri, kitobxonlik madaniyati, ma’naviy
fazilatlarini yuksaltirish imkonlari nihoyatda keng.
Yangilangan dasturiy talablarga muvofiq o‘quvchilarning tayanch va fanga
oid kompetensiyalarini chuqur rivojlantirishga erishishda ham umumiy o‘rta ta’lim
bosqichi asosiy o‘rinda turadi. Xususan, 9-sinflarda adabiyot o‘qitish jarayonida
o‘quvchilarning badiiy asarlarini ifodali va sharhlab o‘qish, tinglab tushunish,
fikrni og‘zaki va yozma bayon qilish, adabiy asarlarni poetik tahlil qilish (asar
mavzusi va g‘oyasi, tur va janr xususiyatlarini aniqlash, obrazlarni tasniflash,
poetik tasvir vositalarini ajratish, ijodkor poetik mahoratiga munosabat bildirish,
asar ma’naviy-estetik qimmatini belgilash) kabi fanga oid adabiy-nutqiy
kompetensiyalarini rivojlantirish ko‘zda tutiladi. Ayni dasturiy talablarni
muvaffaqiyatli hal etishda, jumladan, she’riy asarlarni o‘rganishda zamonaviy
pedagogik texnologiyalar, interfaol metodlardan foydalanish yuqori samara beradi.
She’riy asarlarning janriy xilma-xilligi, mavzu qamrovining kengligi, bu
asarlarda hissiy kechinmalar, ruhiy kayfiyat tasviri ustuvorligi darslarni ham rang-
barang shakl va mazmunda tashkil etish imkonini beradi. Masalan, Abdulla Oripov
she’riyatini o‘rganishda bu imkoniyatlardan keng foydalanish mumkin. Adabiyot
dasturida Abdulla Oripov hayoti va ijodini o‘rganishga 3 soat ajratilgan. Unda
shoir she’riyatini chuqur o‘rganish, ijodiga xos haqqoniylik, samimiylik, falsafiylik
poetik jozibadorlik singari yetakchi xususiyatlarni o‘zlashtirish, “
Sarob”
(«O‘ylarim»), “Bahor”, “Genetika”, “Bahor kunlarida”, “Kuz manzaralari”
she’rlarida “inson ruhiyatining rangli tovlanishlari, inson va zamon
munosabatlaridagi murakkab muammolarning liro-falsafiy talqin etilishi singari
poetik masalalarni tahliliy asosda o‘rganish nazarda tutiladi.
Ma’lumki, interfaol metod ta’lim jarayonida o‘quvchilar hamda o‘qituvchi
o‘rtasidagi faollikni oshirish orqali o‘quvchilarning bilimlarni o‘zlashtirishini
faollashtirish, shaxsiy sifatlarini rivojlantirishga xizmat qiladi. Buning uchun dars
19
jarayoni oqilona tashkil qilinishi, ta’lim beruvchi tomonidan ta’lim oluvchilarning
qiziqishini orttirib, ularning ta’lim jarayonida faolligi muttasil rag‘batlantirilib
turilishi, o‘quv materialini kichik-kichik bo‘laklargabo‘lib, ularning mazmunini
ochishda aqliy hujum, kichik guruhlarda ishlash, modellashtirish,
“
Do'stlaringiz bilan baham: