5-sinf Adabiyot Sana

Darsning metodi: interfaol, aqliy hujum, guruhlarda ishlash, munozara.

Dars jihozi:darslik, turli ertak kitoblar

Darsning borishi:

1.Tashkiliy qism:(5 daqiqa) a)salomlashish

b)davomatni aniqlash

c)ma’naviy daqiqa

2.O’tgan mavzuni takrorlash.(10 daqiqa)

O’quvchilarga “Susambil”ertagining mazmuni parchalarga bo’lib so’zlatiladi

3. Yangi mavzu . (25 daqiqa) «Aqliy hujum» bilan boshlanadi.

• 
  «Susambil» ertagi qaysi ertaklar turkumiga kiradi?
  
• 
  Eshak, xo’roz, ho’kizni xo’jayinlari uyini tashlab ketishga nima majbur etdi?
  
• 
  Susambil qanday yurt? Jonivorlar nima uchun unga intildilar?
  
• 
  «Susambil» ertagidagi hazil-mutoyiba, qochiriq ma’nosidagi so’zlarni topib adabiyot daftaringizga ko’chirib oling (Masalan, ho’kizning xo’jayini haqidagi, bo’rilarning hayvonlarni qo’lga olish haqidagi balandparvoz gaplari kabi).
  
• 
  Ertakdagi jonivorlarning ahilligini nimalarda ko’rdingiz?
  

O`quvchilarning javoblari tinglanadi va umumlashtiriladi.

«Susambil» ertagi haqida gap borar ekan, uning qahramonlari taqdirini bundan avvalgi darslarda o'tilgan «Uch og'a- ini botirlar» ertagi qahramonlari qismatiga solishtirib ko’raylik.

Uch og'a-ini botirlarga, guvohi bo'lganimizdek, o'rtahol otalaridan aytarli ko'p meros qolgani yo'q. Ular o'z taqdirlarini o'zlari yaratish vazifasini bo'ynilariga oladilar, bu yo'lda uchragan

nihoyatda tahlikali sinovlarga bardosh beradilar. Agar e'tibor bersak, og'a-inilarning birortasi na boylikka, na ishratga va na mehnatsiz rohatga intiladi. Aksincha, ular hayotining mazmunini doimiy harakat, izlanish, shijoat tashkil etadi. Ular nafaqat o'zlariga, balki atrofdagi kishilarga manfaat keltiruvchi savobli sa'y-harakatlar ko'yida yuradilar va haqli baxtlarini topadilar. Balki shuning uchun ham bu ertakka qahramon qilib chinakam mard yigitlar tanlangandir...

«Susambil» qahramonlari haqida esa bunday deya olmaymiz. Albatta, dunyodagi jamiyki mavjudotning yaxshi yashashga, ertak tili bilan aytganda, «o'tning boiig'i, suvning tinig'i, azob- uqubat yo'q, maza qilib yurish mumkin bo'lgan bir maskanni orzu qilishga haqqi bor. Biroq «Susambil» deb atalmish bunday jannatmakon maskanga ega bo'lish uchun faqat orzu va xayolgina yetarli emas-da. Ertakda bo'lsin, real hayotda bo'lsin, har bir kishi o'z susanbilini barpo etish uchun tinimsiz harakat qilmog'i, tirishib-tirmashmog'i naqadar muhim.