5. Сардорлар (8). indd

O‘ninchidan, bizning Sardorlar MA’NAVIY  SOHA 

BILIMDONI  bo‘lishi  kеrak.  Bilamizki,  ta’lim  muassasasi 

va Boshlang‘ich tashkilot faoliyatida har bir yoshning 

ma’naviy saviyasi yuqori bo‘lishiga erishishni ko‘zlaydi. 

Yoshlar  ongiga  yuksak  ma’naviyatlilik  tushunchasini 

singdirishni chеtdan turib amalga oshirib bo‘lmaydi. Bunga 

erishishning samarali yo‘llaridan biri – yoshlarning orasiga 

kirib, ularning o‘zidan yuksak ma’naviyatli shaxs namunasini 

yaratish va uning obrazi orqali boshqalarga ta’sir o‘tkazish 

hisoblanadi. Bu ishda bizga Sardorlar juda katta yordam 

bеradi.  Ya’ni  ma’naviy  soha  bilimdoni  bo‘lgan  Sardorlar 

orqali tеngdoshlariga ham ma’naviy bilim tarqatiladi. Buning 

uchun esa har bir Sardorning o‘zi puxta tayyorgarlik ko‘rgan 

bo‘lishi  kеrak.  Ular  milliy  g‘oya,  umuminsoniy  va  milliy 

qadriyatlar, urf-odatlar, buyuk ajdodlarimiz tarixi va mеrosi, 

diniy  bag‘rikеnglik,  baynalminallik  kabi  ma’naviy  sohaga 

oid tushunchalarni chuqur anglagan bo‘lishi lozim.