5-mavzu. Ta’lim tashkilotini strategik boshqarish

Maxsus strategiya - ta’lim muassasasida ta’lim jarayoni samaradorligining pasayib ketishini, o’quvchilarning o’zlashtirish darajasining DTS talablari darajasidan tushib ketmasligini, shuningdek, tajribali, bilimli, o’z kasbining fidoyilari bulgan pedagoglarning ta’lim muassasasidan ketib qolishlarining oldini olish maqsadida uzoq muddatga tuziladi.
Funktsional strategiya - ta’lim muassasasining ta’lim- tarbiya jarayoni ishtirokchilari, bo’limlari, jamoaviy boshqaruv organlari va ma’muriyat hamda jamoatchilik tashkilotlari oldidagi vazifalarni amalga oshirish usullarini o’z ichiga olgan ishchi strategiya xisoblanadi.
Mujassamlashtirilgan strategiya - ta’lim jarayonini ilmiy asosda tashkil etishning barcha yunalishlarini qamrab olgan hamda ta’lim muassasasining yaxlit faoliyatini o’zida jamlagan mo’ljaldir.
Diversifikatsiyalashgan strategiya - ta’lim jarayonini ilmiy asosda tashkil etish, iqtidorli o’quvchilarni aniqlash va ularni o’itishda tabaqalashtirilgan yondashuvlarni joriy etish asosida o’quvchilarning o’zlashtirish kursatkichlarini ko’tarish, maktab bitiruvchilari o’rtasida raqobatbardosh, xorijiy tillarni biladigan, bilimli, keng dunyoqarashga ega bulgan bitiruvchilar sonini ko’paytirishga qaratilgan vazifalarni amalga oshirish yo’llarini ifodalaydi.
Zamonaviy ijtimoiy-iqtisodiy rivojlanishlar va ta’lim tizimidagi islohotlar jarayonida amalga oshirilayotgan yangiliklarga maktab faoliyatini muvofiqlashtirib borishda ta’lim muassasasi rahbarlari joriy rejalar bilan cheklanib qolmay, o’z muassasalari kelajagi va rivojlanishiga ta’sir qiluvchi omillarni hisobga olgan holda “strategik” o’zak (besh, o’n yil va undan ko’proq) muddatlarga mo’ljallangan istiqbol rejalarini tuzishi hamda ular asosida faoliyat olib borishi zarur. Ta’lim muassasalarini rivojlantirish hamda boshqaruv jarayonini takomillashtirishda muassasaning rivojlanishiga ta’sir etuvchi omillar, rahbarlik uslublari, funksiya va metodlari, rahbar o’zining boshqaruv faoliyatida afzal bilgan va asoslangan barcha usullar strategik boshqaruvning taktika va strategiyalaridan tashkil topgan tizim sifatida qaraladi.
Bunda bir tomondan strategiyalar bilan boshqaruv faoliyati mazmuni, boshqa tomondan bu tizimning o’zi, ta’lim muassasasida boshqaruv faoliyatini takomillashtirishda, shuningdek, pedagogik xodimlar faoliyatini muvofiqlashtirishda, jamoa muhitida turli ahamiyatga ega bulgan hatti-harakatlarni motivlashtirishda va shu qatori professional faoliyat bilan shug’ullanuvchi boshqaruv sub’ektlarining ko’nikma va malakalarining rivojlanishida hamda ularning professional mutaxassis sifatida shakllanishlarida xam muhim ahamiyat kasb etadi
Bugungi kunda strategik fikrlashni zarurligi olimlar va yirik kompaniyalar menejerlari tomonidan tan olingan. Bunda asosiy e’tibor kompaniyalar o’rtasida kuchayib borayotgan raqobat muhitiga qaratilishi lozim. Kuchli raqobat sharoitida raqobatdosh ma’lumotlar muhim ahamiyat kasb etadi. Strategik boshqaruv uchun axborot tizimining roli shundaki, ma’lumotlarni to’plash, qayta ishlash va tahlil qilishni ratsional va samarali yo’llari ko’p jihatdan strategiya ishlab chiqishni natijadorligini belgilab beradi.