5-mavzu: Savod o’rgatishda mashq turlari, savod o’rgatishda nutq o’stirish Reja: Savod o’rgatish jarayonida tovush ustida ishlash. Analiz mashqlari. Sintez mashqlari. Savod o’rgatishda nutq o`stirish

• Savod o`rgatishda quyidagi mashq turlari qo`llanadi:

1. Yangi tovush o`rganilganda shu tovush cho`zib talaffuz qilinadi: miil, sssa-na, ool-ma. Birinchi savod o`rgatish darslarida buni hosil qilish murakkabligi bor. Birinchidan o`qish ko`nikmasi yo`qligi uchun yetti yoshli bolaning ko`rish maydoni tor bo`ladi. Shuning uchun ko`p o`quvchilar bo`g`inni, so`zni taxminan o`qiydi. O-na so`zida uch ko`rish maydoni bor deb faraz qilamiz o-n-a ko`z o harfini tovushga aylantiradi, tovush uziladi. N-sonor tovushini (ovozni) uzmay a tovushga ulashni amalga oshiradi, shunda bo`g`in hosil bo`ladi, n tovushi uzilib a tovushini alohida aytib so`ngra na deb o`qisa, bo`g`in hosil bo`lmaydi. Bunday holatda o`quvchi bo`g`inlab emas, harflab o`qishga odatlanadi. Bu esa tez o`qish metodini kechiktiradi.