Mavzu: Kichik "e" harfini yozish. Maqsad: a kichik "e" harfini yozish haqida tushuncha berish

Fan:Yozuv

Mavzu:Kichik “e” harfini yozish.

Maqsad:

A)Kichik “e” harfini yozish haqida tushuncha berish.
B)Axloqiy va nafosat tarbiyasi berish.O’quvchilarni chaqqon,epchil bo’lishga o’rgatish.

V) O’quvchilarda ”e“ harfi qatnashgan so’zlarni yozish malakasini shakllantirish.

Dars turi:Yangi bilim beruvchi

Dars metodi: guruhlarda ishlash

Dars jihozi:Rangli alifbo,ko’chma doska,harf kassa,elektron ko’rgazmalar,

Darsning borishi:

Tashkiliy.

-Dars ona tili she’ri bilan boshlanadi.
Tilim,tilim ona tilim,
Tillar ichra sara tilim.
Shirin-shakar,ma’no tilim
Ona tilim,a’lo tilim.
-Qani do’mboqlarim
Bugun hamma sog’lommi?
Yangi darsga tayyormi?

-Ustoz bizlar sog’lommiz

Yangi darsga tayyormiz

-Sinfda kim navbatchi?

Axborotni bersinchi.

-Menman bugun navbatchi

Doskani ham artuvchi
Sanani ham aytuvchi
Bugun 24-oktabr,2015-yil
Havo ochiq va toza.
Sinfimizda 37 bola
Darsga shay gul-u lola.

-Barakalla bolajonlar.Bugun biz sizlar bilan darsimizni guruhlarga ajratib,musobaqa tarzida olib boramiz.

1-guruh:Bilimdonlar
2-guruh:Donolar
3-guruh:Zukkolar

Darsning oltin qoidalari bilan tanishtirish.

-Hozir o’lkamizda qay fasldir hukmron?
1-o’quvchi:Davra qurib turnalar
Boshimizda aylanar
Budir kuz fasli bazmi
Ona yerga ta’zimi

2-o’quvchi:

Oltin fasl-kuz fasli,
Zarshunoslikdir asli.
Undan qirlar,tog’- oltin,
Undan yerlar,bog’-oltin.

3-o’quvchi:

Mevalar ham mo’l-u ko’l,
Ne yesang ham bol deysan,
Kuzga “Ofarin”deysan.

-Kuzda tabiatda qanday o’zgarishlar bo’ladi?

-Kuzda qanday bayramlar nishonlanadi?

Til bayrami haqida suhbat.

O’qituvchi:Darsimizni boshlaylik ,

Quloq soling siz andak.
Yurtboshimiz bu yilga,
Nom berdi ayting qanday ?

2016-yil : ”Sog`lom ona va bola yili”

1-o’quvchi:

Qanday ma’no betakror,

Ona degan so’zda bor.
Yuksalish hamda yashnash
Onalar bilan bisyor.

2-o’quvchi:

Unda beg’ubor osmon,
Atrof yorqin,charog’on.
Qalblarda ezgu niyat,
Ko’tarinki kayfiyat.

3-o’quvchi:

Bunda barcha bunyodkor,
Intilganga tole yor,
Insonga berar quvvat,
Mehr bilan oqibat.

4-o’quvchi:

Nur porlaydi dillarda,
Iqbol esa qo’llarda.
Hamma sog’lom,yurt omon,
Hamma: Onalar bo`lsa omon.
-1-sinf o’quvchilari ona tili fanidan nimalarni bilishi kerak?
-Tovushlar va harflarni
Farqlay olishi kerak
So’zlarni bo’g’inlarga
To’g’ri ajratishi kerak.
-Alifboni yod olib
Unli va undoshlarni
Harf birikmayu tutuq belgi
Ajrata olishi kerak
-15-20-so’zli
Diktant yoza olishi kerak
Husnixat qoidalariga
Rioya qilishi kerak.
-2-3ta gapli
Matn yarata olishi kerak
Imlo xatolariga
Yo’l qo’ymasligi kerak.

II.O’tilgan mavzuni so’rash.
Bosh „Y“harfini yozish.Uch guruhdan uch o’quvchi chiqib bosh „Y“ harfini yozib ko’rsatadi.

„Ortiqchasini toping“metodi.

1- guruh: A,U,O,I,Y,O’
2- guruh: Yamin,Yayra,Diyor,Yormat
3- guruh: yo’lbars,yong’oq,kiyik,yulduz rasmlari
3 guruhdan uch o’quvchi chiqadi va D,U,Y unlilari bilan boshlangan so’z yozadi.
D U Y
don un yuk
dori uy yo’l
dala ukki yurt
do’l uka yara
do’kon uyat yurak
O’tirgan o’quvchilardan Y harfi bilan boshlangan so’z so’raladi.
Dam olish daqiqasi.

III.Yangi mavzu bayoni.
Bugun biz sizlar bilan kichik “e” harfini yozishni o’rganamiz.

-Kichik “e” harfi unsurlarga ajratilmay,bir butun shaklda yoziladi.Kichik “e” harfi boshqa harflar bilan oson bog’lanadi.

Daftar bilan ishlash.Daftardagi rasm asosida suhbat.
Diktant.
Otabek ertak aytdi.
IV.Mustahkamlash
Harf kassa bilan ishlash. So’zlarini hosil qilish.
„Daryoni kesib o’ting“metodi.
Bunda o’quvchilarga bo’g’in o’qitiladi.
„O’z o’rningni top“metodi.
Bunda kesma harflar beriladi va o’quvchilar so’z hosil qiladi.Masalan:e a t k-etak.
Test sinovi.
1.“Etik“so’zida nechta bo’g’in bor?
A)1 ta
B)2ta
2.“E“ harfi qanday harf?
A)Unli harf
B)Undosh harf
3.Bosh harf bilan qanday so’zlar yoziladi?
A)hamma so’zlar
L)kishilarning,joylarning,hayvonlarning nomi
4.”E“ harfi bilan boshlangan so’zni toping.
L)elak
I)yo’lak
5.Ingliz tilida qalam nima deyiladi?
L)a pen
I)a pencil
To’g’ri yechgan o’quvchida balli so’zi hosil bo’ladi.


Darsni yakunlash.G’olib guruh aniqlanadi.
Baholash
Vazifa.