5-mavzu. Maxsulotni sinovga tayyorlash va o‘tkazish. Reja

5-MAVZU. Maxsulotni sinovga tayyorlash va o‘tkazish.


REJA:

1. 
   Sinov jarayoni.
   
2. 
   Sinovlarning asosiy tavsiflari.
   
3. 
   Sinovlar birliklari ta’minoti.
   
4. 
   Mahsulot sifati ko‘rsatkichlari
   

“Mahsulot sifatining darajasi” va “mahsulotning texnik saviyasi” tushunchalarini farqlash kerak.
Mahsulot sifatining darajasi - baholanadigan mahsulot sifat ko‘rsatkichlarining qiymatlarini mos ko‘rsatkichlarning asos qiymatlari bilan taqqoslashga asoslangan, mahsulot sifatining nisbiy tafsilotidir,
Mahsulotning texnik saviyasi - baholanadigan mahsulotning texnik takomillashganligini tavsiflovchi ko‘rsatkichlarning qiymatlarini mos ko‘rsatkichlarning asos qiymatlari bilan taqqoslashga asoslangan, mahsulot sifatining nisbiy tafsilotidir.
Bir turli mahsulot guruhlari sifat ko‘rsatkichlarining nomenklaturasi iqtisodiyotning deyarli barcha tarmoqlari bo‘yicha 320 dan ortiq sifat ko‘rsatkichlari tizimiga oid xalqaro standartlar – mahsulot sifati ko‘rsatkichlari tizimi (to‘rtinchi tarmoqlararo tizim) da belgilangan. Qurilish materiallariga mahsulot sifati ko‘rsatkichlari tizimi (MSKT)ni belgilovchi qator O‘zbekiston davlat standartlari tasdiqlangan.
Turli xildagi mahsulotlar uchun sifat ko‘rsatkichlarini qo‘llanuvchanligi

№	Ko‘rsatkichlar	Mahsulotlar guruhi №
		I (xom-ashyo, tabiiy yonilg‘i)	II (materi- allar)	III (sarflana digan mahsulot lar)		IV (ta’mir lanmaydigan mahsulot lar)		V (ta’mirlanadigan mahsulotlar)
1	Vazifa ko‘rsatkichlari	+	+	+		+		+
2 2.1 2.2 2.3 2.4	Puxtaliligi: - buzilmay ishlashi - ko‘pga chidamliik - ta’mirga yaroqliligi - saqlanuvchanlik	- - - -	- - +^* +	- - +^* +		+ + - +		+ + + +
3	Iqtisodiy	+	+	+		+		+
4	Ergonomik	-	(+)	+		+		+
5	Estetik	(+)	(+)	+	+		+
6	Texnologik	+	+	+	+		+
7	Tashishga moslanganlik	+	+	+	+		+
8	Standartlashtirish va bir xillashtirish	-	-	(+)	+		+
9	Patent-huquqiy	-	(+)	+	+		+
10	Ekologik	(+)	(+)	(+)	(+)		(+)
11	Xavfsizlik	(+)	(+)	(+)	(+)		(+)
- * ta’mirlanadigan mahsulotlar va materiallar uchun ta’mirlanuvchanligi ko‘rsatkichi o‘rniga tiklanuvchanlik ko‘rsatkichi qo‘llaniladi. Izoh. «+» belgisi qo‘llanuvchanlik, «-» belgisi qo‘llanmaslik, «(+)» mansub guruh sifat ko‘rsatkichlari cheklangan qo‘llanilishini anglatadi.

Mahsulot sifati ko‘rsatkichlari tizimi (MSKT) – mahsulotning bir turdagi guruhlari va muayyan turlari sifati ko‘rsatkichlarining nomenklaturasini, shuningdek mahsulot sifati ko‘rsatkichlari mezonlari va nomenklaturasining qo‘llanish doirasini o‘rnatuvchi standartlar majmuidir.
MSKT mashinasozlik, engil va oziq-ovqat sanoati, qishloq va o‘rmon xo‘jaligi tarmoqlarini qamraydi va umumiy qoidalar va me’yorlarni; atamalar va ta’riflarni; sifat ko‘rsatkichlarining nomenklaturasini; sinash usullarini o‘rnatadi.
Muayyan mahsulot turiga bog‘liqligidagi sifat ko‘rsatkichlari nomenklaturasi umumiy holdagi asosiy ko‘rsatkichlari 2.1-jadvalda keltirilgan.2.1-jadval

Umumiy holda me’yoriy hujjatning ilmiy-texnikaviy darajasini nisbiy baholash lozim bo‘lgan sifat ko‘rsatkichlarining tafsilotlariga quyidagilar kiradi:

1 Vazifa ko‘rsatkichlari – o‘zi bajarishi lozim bo‘lgan asosiy vazifalarni aniqlovchi mahsulot xossalarini tavsiflaydi va qo‘llanish sohasini belgilaydi.
Vazifa kursatkichlari uchta kichik guruhga ajraladi:
a) vazifa va texnik samaradorlik ko‘rsatkichlari -

• 
  ish unumi;
  
• 
  gazlamaning puxtaligi;
  
• 
  oziq-ovqat mahsulotlari va b. ning kaloriyalikligi.
  

b) konstruksiya ko‘rsatkichlari:

• 
  gabarit o‘lchamlari(eng katta tashqi o‘lchamlari);
  
• 
  yig‘ish koeffitsienti (bloklik koeffitsienti);
  
• 
  o‘zaro alnashinuvchanlik koeffitsienti va b.;
  

v) tarkib va tuzilma ko‘rsatkichlari:

• 
  po‘latda legirlovchi qo‘shimchalarning foiz miqdori;
  
• 
  kislotalarda turli aralashmalar konsentratsiyasi;
  
• 
  gazlamada sintetik tolalar miqdori;
  
• 
  oziq-ovqat mahsulotlari va b. da foydali moddalar mikdori.
  

2 Puxtalik ko‘rsatkichlari
a) buzilmay ishlashlik – ob’ektning ma’lum vaqt davomida yoki ma’lum hajmdagi ishni bajarish davrida o‘zining ish imkoniyatini uzluksiz saqlash xususiyatini tavsiflaydi.
Buzilmay ishlashlik ko‘rsatkichlariga quyidagilar kiradi:

• 
  buzilmay ishlashlik ehtimoli;
  
• 
  buzilish jadalligi;
  
• 
  buzilishgacha bajargan o‘rtacha ish hajmi;
  
• 
  buzilishgacha bajargan gamma-foiz ish hajmi va b.
  

b) Ko‘pga chidamlilik (umrboqiylik) – ob’ektning belgilangan texnik
xizmat ko‘rsatish va ta’mirlash tizimida chekka holatga kelguncha o‘zining ish qobiliyatini saqlash xususiyatini tavsiflaydi.
Ko‘pga chidamlilik ko‘rsatkichlari:

• 
  o‘rtacha ish resursi;
  
• 
  belgilangan ish resursi;
  
• 
  gamma-foiz resursi;
  
• 
  resurs va b.
  

v) ta’mirga yaroqlilik – ob’ektning buzilishlarni oldini olishga va buzilish sabablarini aniqlashga hamda ta’mirlash va texnik xizmat ko‘rsatish yo‘li bilan buzilish oqibatlarini bartaraf etishga moslanganlik xususiyatlarini tavsiflaydi.
Ta’mirga yaroqlilik ko‘rsatkichlariga quyidagilar kiradi:

• 
  ish qobiliyatini tiklash ehtimolligi;
  
• 
  ish qobiliyatini tiklashga sarflanadigan o‘rtacha vaqt va b.;
  

Tiklanuvchanlik ko‘rsatkichlariga quyidagilar kiradi:

• 
  sifat ko‘rsatkichining belgilangan qiymatigacha tiklash o‘rtacha vakti;
  

• 
  tiklash darajasi (tiklangandan keyin sifat ko‘rsatkichi qiymatining ushbu sifat ko‘rsatkichining belgilangan yoki boshlang‘ich qiymatiga nisbati) va b.
  

Izoh - Mahsulotlar va materiallar xossalarining saqlash va tashishdan keyin tiklanishga moslanganligi tiklanuvchanlik ko‘rsatkichlari bilan tavsiflanadi.
g) saqlanuvchanlik – ob’ektning tuzuklik va ishga qobiliyatlilik holatini yoki mahsulotning iste’mol kilishga yaroqlilik holatini saqlash davomida va saqlashdan keyin va (yoki) tashishdan keyin saqlash xususiyatini tavsiflaydi.
Saqlanuvchanlik ko‘rsatkichlariga quyidagilar kiradi:

• 
  saqlanuvchanlikning o‘rtacha muddati;
  
• 
  saqlanuvchanlikning gamma-foiz muddati va b.
  

3 Boyliklar (resurslar)ni tejash ko‘rsatkichlari – mahsulotning xom ashyo, materiallar, yoqilg‘i, energiyani va foydalanish (iste’mol qiliщ)da mehnat resurslarini talab etishi darajasi bo‘yicha uning texnik mukammalligini aks ettiruvchi xossalarini tavsiflaydi.
Boyliklarni tejash ko‘rsatkichlari uchta kichik guruhga ajraladi:
a) xom ashyo va materiallardan tejamkorlik bilan foydalanish kursatkichlari, jumladan:

• 
  xom ashyoning solishtirma sarfi;
  
• 
  materiallarning solishtirma sarfi;
  
• 
  belgilangan sharoitlarda xom ashyoning nobud bo‘lishi;
  
• 
  belgilangan (reglamentlangan) sharoitlarda materiallarning nobud bo‘lishi va b.
  

b) energiya iste’molining tejamlilik ko‘rsatkichlari, jumladan:

• 
  yoqilg‘ining solishtirma sarfi;
  
• 
  energiya (energiya tashuvchi) ning solishtirma sarfi;
  
• 
  foydali ish koeffitsienti va b.
  

Energiyadan tejamli foydalanish ko‘rsatkichlari sifatida, odatda, solishtirma ko‘rsatkichlardan, yani sarflanadigan energiya va (yoki) yoqilg‘ining ishlab chiqarilgan mahsulot yoki bajarilgan foydali ish hajmiga (ish birligiga) nisbatidan foydalaniladi.
v) mehnat resurslaridan tejamli foydalanish ko‘rsatkichlari:

• 
  mahsulotdan foydalanganda (iste’mol qilinganda) umumiy mehnat sarfi;
  
• 
  mahsulotdan foydalanganda (iste’mol qilganda) asosiy ko‘rsatkich birligiga solishtirma mehnat sarfi va b.
  

Xom ashyo, materiallar, yoqilg‘i, energiya va mehnat resurslaridan tejamli foydalanishni tavsiflovchi umumlashtirilgan ko‘rsatkichlar sifatida mahsulotni ishlab chiqish, tayyorlash va foydalanish (iste’mol qilish) dagi sarf-xarajatlarni tavsiflovchi ko‘rsatkichlar qo‘llanilishi mumkin.
4 Ergonomik ko‘rsatkichlar “inson – buyum” (jumladan, “inson – mashina”) tizimini tavsiflaydi va inson hayotida sodir bo‘ladigan gigienik, antropometrik, fiziologik va psixologik xususiyatlar majmuini hisobga oladi
Ergonomik ko‘rsatkichlarga quyidagilar kiradi:

• 
  shovqin darajasi;
  
• 
  yorug‘lik darajasi;
  
• 
  harorat darajasi;
  
• 
  mahsulot konstruksiyasining insonning tezlik imkoniyatlariga muvofiqligi;
  
• 
  mahsulot konstrukdiyasining insonning kuch imkoniyatlariga muvofiqligi va b.
  

5 Estetik ko‘rsatkichlar axborotning ma’noligi, shaklning maqbulligi, tuzilishi (kompozitsiya)ning butligi va mukammal tayyorlanganligi bilan tavsiflanadi va quyidagi ko‘rsatkichlardan iborat:

• 
  asl nushaligi;
  
• 
  uslubiy muvofiqligi;
  
• 
  modaga muvofiqligi;
  
• 
  vazifasi-konstruksiyasi jihatdan moslanganligi;
  
• 
  hajmiy-fazoviy tuzilmaning tartibliligi;
  
• 
  ranglar uyg‘unligi;
  
• 
  sirtning puxta qoplanganligi va bezatilganligi;
  
• 
  firma belgilari, ko‘rsatkichlari, o‘ramlari va b.ning aniq va puxta bajarilganligi va b.
  

6 Texnologiklik – mahsulot tarkibi va tuzilmasini yoki konstruksiyasining ishlab chiqarishda, foydalanishda va sifat ko‘rsatkichlarini, ishlab chiqarish va ishlarni bajarish sharoitlarini tiklashda xarajatlarning eng kam bo‘lishini ta’minlay oladigan xossalarini tavsiflaydi. Bunda quyidagilar hisobga olinadi:

• 
  mahsulotni tayyorlashdagi solishtirma mehnat sarfi;
  
• 
  materialning solishtirma sarfi;
  
• 
  energiyaning solishtirma sarfi;
  
• 
  ushbu turdagi texnik xizmat ko‘rsatish (ta’mir) ning bir martalik o‘rtacha mehnat sarfi.
  

7 Tashishga moslanganligi – mahsulotning ochiq joyda ko‘chishga (tashishga), ya’ni mahsulotdan foydalanish (iste’mol qilish) bilan bog‘liq, bo‘lmagan harakatlarga moslanganligini tavsiflaydi.
Tashishga moslanganlik ko‘rsatkichlariga quyidagilar kiradi:

• 
  mahsulotni tashishga tayyorlash o‘rtacha vaqti;
  
• 
  mahsulotni tashishga tayyorlaщda o‘rtacha mehnat sarfi;
  
• 
  mahsulotni ma’lum turdagi tashish vositasiga ortishda o‘rtacha vaqt sarfi;
  
• 
  mahsulotni ma’lum turdagi tashish vositasidan tushirishda o‘rtacha vaqt sarfi;
  
• 
  tashish vositasining sig‘imidan foydalanish koeffitsienti.
  

8 Standartlashtirish va birxillashtirish ko‘rsatkichlari mahsulotning standart, birxillashtirilgan va original tarkibiy qismlar bilan boyitilganligini, shuningdek boshqa buyumlar bilan birxillashtirilish darajasini ifodalaydi.
Standartlashtirish va birxillashtirish ko‘rsatkichlariga:

• 
  qo‘llanuvchanlik;
  
• 
  takrorlanuvchanlik;
  
• 
  birxillashtirilish koeffitsientlari va b. kiradi.
  

9 Patent-huquqiy ko‘rsatkichlar mahsulotda foydalanilgan texnik echimlarning yangilanganlik darajasini, ularning patent bilan himoyalanganligini, shuningdek mamlakat ichida va xorijda xaridga to‘siqsiz qo‘yish imkonini tavsiflaydi.
Patent-huquqiy ko‘rsatkichlarga quyidagilar kiradi:

• 
  patent bilan himoyalanganlik ko‘rsatkichi;
  
• 
  patent tozaligi ko‘rsatkichi va b.
  

10 Ekologik ko‘rsatkichlar mahsulotdan foydalanganda yoki iste’mol qilganda sodir bo‘ladigan atrof muhitga zararli ta’sir darajasini tavsiflaydi. Bu ko‘rsatkichlarni tanlash va aniqlashda atrof muhitni muhofazalash talablari hisobga olinadi.
Ekologik ko‘rsatkichlarga quyidagilar kiradi:

• 
  atrof muhitga chiqarib yuboriladigan zararli aralashmalarning ruhsat etilgan miqdori;
  
• 
  mahsulotni saqlash, tashish, ishlatish yoki iste’mol qilishda atrof muhitga zararli zarrachalar, gazlar, nurlanishlarni chiqarib yuborishi ehtimolligi va b.
  

11 Xavfsizlik ko‘rsatkichlari mahsulotning ishlatishda (iste’mol qilishda) inson hayotiga, sog‘ligiga va mulkiga, atrof muhitga xavfsizligi xossalarini va xususiyatlarini tavsiflaydi.
Xavfsizlik ko‘rsatkichlari me’yoriy hujjatlarda mahsulot ko‘rsatkichlarini shakllantirish bo‘yicha rahbariy hujjat (O‘z.RH 51-010:1998) ga asosan mahsulot turlari bo‘yicha shakllantiriladi, masalan, elektrotexnik jihozlar va buyumlarning xavfsizlik ko‘rsatkichlariga quyidagilar kiradi:

• 
  elektr tokidan shikastlanishdan saqlanish klassi;
  
• 
  boshqarish, xizmat ko‘rsatish, ekspluatatsiya qilishda mehnatning xavfsizligi;
  
• 
  izolyasiyani doimiy tekshiruvchi qurilmaning mavjudligi;
  
• 
  shovqin darajasi;
  
• 
  azot oksidlari, karbon (uglerod) va b. ni atrof muhitga chiqarib yuboriladigan solishtirma miqdori.
  

Sut va sut mahsulotlari uchun:

• 
  kislotalilik;
  
• 
  mikrobiologik ko‘rsatkichlar;
  
• 
  pestitsidlar, og‘ir metallar, aflotoksinlar va b. ning qoldiq mikdori.
  

Demak, MSKT standartlarida ko‘rsatilgan mahsulot tavsiflari majmui va O‘zbekiston me’yoriy-huquqiy hujjatlarida belgilangan rioya qilish majburiy bo‘lgan talablar majmui mahsulot sifatini tashkil etadi va standartlashtirish bilan ta’minlanadi.