5-мавзу: Коммунал инфратузилма ва уй-жой коммунал хўжалиги корхоналарининг тузилиши ва таркиби Режа

5.5. Коммунaл xўжaлиги корxонaлaридa ишлaб чиқaриш вa xизмaт кўрсaтиш фaолиятини тaшкил этиш вa рeжaлaштириш

Uy-joy mulkdorlari shirkatlari faoliyati tubdan yangilanadi Milliy matbuot markazida O‘zbekiston Respublikasi Uy-joy kommunal xizmat ko‘rsatish vazirligi tomonidan xususiy uy-joy mulkdorlari shirkatlari faoliyatini tubdan yangilash, ish sifatini oshirish va moliyaviy-iqtisodiy barqarorligini tiklash hamda aholi roziligini ta’minlash borasida belgilangan chora-tadbirlar mavzusida matbuot anjumani tashkil etildi. Unda vazirlik mas’ul xodimlari va ommaviy axborot vositalari vakillari ishtirok etdi. Mazkur vazirlik tashkil etilganiga hali ko‘p vaqt bo‘lgani yo‘q.

Oldinda qator dolzarb vazifalar turibdi. Jumladan, ko‘p xonadonli uy-joy fondini saqlash va ulardan foydalanish tizimini kompleks rivojlantirish, xususiy uy-joy shirkatlari faoliyatini muvofiqlashtirish masalalari vazirlik faoliyatining asosiy yo‘nalishlaridandir. – Bugungi kunda mamlakatimizda 33 mingdan ortiq ko‘p qavatli uylar mavjud bo‘lib, ularni boshqarish bo‘yicha 4 yarim mingga yaqin shirkat faoliyat yuritmoqda, – deydi uy-joy kommunal xizmat ko‘rsatish vazirining o‘rinbosari Nazirjon Nazirov. – 2017 yilda 8 mingdan ziyod uylarning tomi, 18 mingdan ortiq kirish yo‘laklari, 8 mingdan ziyod yerto‘la ta’mirlandi, 14 mingdan ortiq noqonuniy qurilmalar buzildi. Hozirda 500 dan ortiq uy-joylarda ish olib borilmoqda. Joriy yilda o‘tgan yilga nisbatan ikki barobar ko‘p hajmdagi ish qilinadi.

Shuningdek, vazirlik tomonidan aholi va xususiy uy-joy mulkdorlari shirkatlari o‘rtasidagi munosabatlarni tartibga solish, xizmat ko‘rsatish tizimini yaxshilash maqsadida “Yagona hisob-kitob markazi”, “Tamirlash-tiklash xizmati” davlat unitar korxonalari tashkil etildi. 800 ga yaqin shirkat boshqaruvi raislari “Kommunal o‘quv” o‘quv-uslubiy markazida o‘qitildi. Ma’lumki, "Faol tadbirkorlik, innavatsion g‘oyalar va texnologiyalarni qo‘llab-quvvatlash yili” Davlat dasturiga muvofiq, joriy yilning 1 dekabriga qadar “Uy-joy mulkdorlarining shirkatlari to‘g‘risida”gi O‘zbekiston Respublikasi qonuni loyihasini ishlab chiqish belgilangan. Bugungi kunda vazirlik tomonidan loyihani ishlab chiqish yuzasidan o‘ndan ortiq vazirlik va tashkilotlardan 20 dan ziyod mutaxassis ishtirokida ishchi guruhi tuzildi va ular tomonidan tegishli takliflar ishlab chiqilmoqda.

Anjuman yakunida jurnalistlarning aholi o‘rtasida noqonuniy qurilmalar qurish, bino konstruksiyasiga o‘zboshimchalik bilan o‘zgartirish kiritish, sohadagi kadrlar sifati, hududlardagi muammolar haqidagi savollariga vazirlikning mas’ul xodimlari batafsil javob berdi.