5-mavzu. Grafik modellashtirish. Loyihalash jarayonida amaliy dasturlarni grafik imkoniyatlaridan foydalanish

CATIA dasturi haqida ma’lumotlar.
CATIA (Computer Aided Three-dimensional Interactive Application-avtomatlashtirilgan uch o’lchovli muloqot ilovasi) yuqori ko’rsatkichdagi eng keng tarqalgan avtomatlashtirilgan loyihalash tizimlaridan biridir. Bu dastur Fransiyaning Dassault Systemes firmasining mahsuloti hisoblanadi. 1981 yilda dasturning birinchi versiyasi ishlab chiqilgan. Hozirgi kunga kelib CATIA dasturining ikki CATIA V4 va CATIA V5 versiyalari mavjud. CATIA V4 dasturi 1993 yilda ishlab chiqilgan va faqat Unix operatsion tizimida ishlash mo’ljallangan. 1998 yilda ommaga havola etilgan CATIA V5 dasturida esa Microsoft Windows operatsion tizimlarida ham ishlash imkoniyati bo’lgan.
CATIA V5 dasturi takomillashtirilmasdan, aksincha qaytadan ishlab chiqilgan va XX asrning oxiri XXI asrning boshidagi avtomatlashtirilgan loyihalash tizimlari sohasidagi barcha ilg’or texnologiyalarni o’zida mujassam etgan. Shunday bo’lsada CATIA bu versiyasi dasturiy mahsulotlar bozorida uncha katta qiziqishga ega bo’lmadi. Firma bu mahsulotni ommalashtirish va imkoniyatlarini namoyon etish maqsadida PLM (Product Lifecycle Managment)– hayotiy sikl boshqaruvi mahsuloti konsepsiyasini ishlab chiqdi. Bu g’oya nafaqat CATIA V5 dasturi uchun balki, butun avtomatlashtirilgan loyiha tizimlari sohasida e’tibor qozondi. 2008 yilning fevral oyida Dassault Systеmes firmasi CATIA V6 dasturini yaratdi. CATIA V6 barcha injenerlik sohasi uchun modellashtirish dasturlarini qo’llab – quvvatlaydi.
CATIA dasturi haqida ma’lumotlar
CATIA dasturining imkoniyatlari
Firmaning yangi konsepsiyasi «PLM 2.0 на платформе V6» deb nomlandi. Bu konsepsiyaning mohiyati– uch o’lchovli modellashtirishdir. PLM V6 ning kichik va o’rta biznes uchun mo’ljallangan versiyasi firmaning Isroildagi filiali Dassault Systиmes Israel tomonidan ishlab chiqilgan. CATIA dasturlari sanoatning yettita asosiy tarmoqlarining talablarini bajaradi. Bu tarmoqlarga quyidagilar kiradi. Aerokosmik, avtomobilsozlik, kemasozlik, mashinasozlik, elektronika, zavodlar qurilishi va keng tarqalgan iste’mol mahsulotlari sanoati.