5 Mavzu Boshqaruv serverini tanlash Reja

Serverning tuzilishi. Mahalliy tarmoqda olib borilayotgan asosiy jarayonlarni boshqarish uchun server yetarlicha katta kuchga ega bo‘lishi kerak. Qanchalik ko‘p yo‘nalishlar bo‘yicha server ishlasa, shunchalik katta yuklamaga ega bo‘ladi. Shuning uchun ishlab chiqaruvchi serverga bo‘lgan talablari, oddiy ishchi komp’yuterga bo‘lgan talablardan ancha farq qiladi.
Server tarkibiy qismlarini tanlashni tarmoqning loyihalashtirish jarayonida, bunda mahalliy tarmoqni narxi ham aniq bo‘ladi, yoki tarmoqni montaj ishlarini tugatgach amalga oshirish mumkin. Agar domen tuzilmasi tanlangan bo‘lsa, server tarkibiy qismlarini tanlash bosqichi albatta mavjud bo‘ladi va serverni harid qilish majburiy hisoblanadi.
Boshqaruv serverini tarkibiy qismini tanlashda, uni ishlatishdagi quyidagi xususiyatlarga e’tibor berish kerak:

• 
  uzluksiz ishlash;
  
• 
  armoq foydalanuvchilarining autentifikatsiyasini ta’minlash
  
• 
  qayd yozuvlari va komp’yuterlar haqidagi barcha ma’lumotlarni saqlash;
  
• 
  web-dasturlarga xizmat qilish imkoniyatini mavjudligi;
  
• 
  qo‘shimcha dasturiy ta’minotdan foydalanish imkoniyatini mavjudligi, masalan, korporativ antivirus tizimlari;
  
• 
  ma’lumotlarni arxivlash, masalan, strimer, tizimini ulash imkoniyatini mavjudligi;
  
• 
  tarmoqni barcha komp’yuterlarida vaqtni sinxronlashtirish.
  

Bundan tashqari, muhim masalalardan serverni ishlatish variantlarini tanlash hisoblanadi: alohida o‘rnatish yoki shkafli server.
Alohida o‘rnatish deganda alohida turgan serverni ishlatish tushuniladi. Bu holatlarda ko‘pincha turli yo‘nalishlarga mo‘ljallangan serverlar bir xonaga joylashtiriladi. Bu esa o‘z navbatida o‘ziga xos mebel tanlash, ikki-uch qatorli o‘rnatishga to‘g‘ri keladi.
Ko‘pincha (katta tarmoqlarga tegishli) server xonalarida maxsus serverlar uchun mo‘ljallangan shkaflar yasaladi. Kabellar shunday ulanadiki, barcha serverlar bilan bir monitor va klaviatura ishlaydi, KVN-o‘tkazish tizimi yordamida kiritish va chiqarish qurilmalarini kerakli serverga ulash mumkin bo‘ladi. Bu juda qulay bo‘lib, har bir serverning ishlash ko‘rsatkichlarini bir zumda ko‘rish imkoniyatini beradi.
Shkafga joylangan server kam joy egallasada, uni ba’zilari elektr ta’minot blokining yagonaligi hisoblanadi. Chunki alohida o‘rnatilgan serverda bu blok ikkita bo‘lib, bittasi rezerv bo‘ladi. Bu esa server faoliyatini uzluksiz bo‘lishini ta’minlaydi.