5-§. Videokórinislerdiń kólemin kishireytiwde Format Factory, Freemake video Converter hám Compress video programmalarınan paydalanıw

6.6-súwret. Compress video platformasında video fayldı saytqa júklew
Ekinshi adımda shıǵıw faylı kólemin ornatıw orınlanadı. Tıshqansha járdeminde kerekli ólshem tańlanadı yamasa anıq mánislerdi klaviaturadan kiritiw múmkin boladı (6.7súwret).

6.7-súwret. Compress video platformasında videokórinis kólemin kiritiw
Úshinshi adımda videokórinistiń kólemin kishireytiwdi baslaw ushın “Сжатие” túymesi basıladı hám videokórinis kólemin kishireytiw alıp barıladı. Videokórinistiń kólemin kishireytiw bir qansha waqıttı alıwı múmkin. Tamamlanǵanan keyin, video fayldı saqlaw ushın júklew túymesi basıladı hám videokórinis kompyuter yamasa mobil apparatqa júklenedi. Bul platforma járdeminde kólemi kishireytirilgen videokórinis kólemi kishireytirilgennen soń 100 Megabayttı quradı, al kólemi kishireytilmesten aldın onıń kólemi 246 Megabayttı quraǵan edi.
Format Factory, Freemake video Converter rogrammaları hám Compress video web saytları járdeminde videokórinislerdiń kólemlerin kishireytiw ámelge asırıldı.
Format Factory programmasınıń abzallıǵı sonda ol járdeminde videokórinislerge hár túrli islew beriw imkanıyatlarınıń bar ekenligi, paydalanıw ushın júdá qolay hám ápiwayılaǵı. Programma islew waqtında kompyuter ushın derlik awırlıq qılmaydı qollanıw ushın jeńil programma bolıp esaplanadı. Tiykarǵı kemshiligi videokórinistiń kólemin kishireytiwde paydalanıwshı ózine kerekli bolǵan ólshemde videokórinistiń kólemin kishireytire almaslıǵı bolıp tabıladı.
Freemake video Converter programmasınıń tiykarǵı abzallıǵı sonda paydalanıwshı videokórinistiń kólemin ózi ushın qolay bolǵan ólshemde kishireytiw imkanıyatınıń barlıǵı, yaǵnıy videokórinistiń shıǵıw kólemin ózi belgilew imkanıyatına iye. Kemshiligi programmadan paydalanıw Format Factory programmasına qaraǵanda sál quramalıraq qollanbaǵa tiykarlanıp islew kerek boladı.
Compress video web saytınıń Format Factory hám Freemake video Converter programmalarınan abzallıǵı videokórinislerdiń kólemin kishireytiwde onlayn tárizde islew. Kompyuterge ornatıwǵa hájet joq. Kemshiligi bolsa videokórislerdiń kólemin kishireytiw ushın kóbirek waqıt talap etedi.