49-Mavzu: Yo’l-transport hodisasida jabrlanuvchilarni davolash muassasasiga transportirovka qilishning o’ziga xosligi

2.Agar shikastlangan odamni qo’lda ko’tarish kerak bo’lib qolsa, quyidagilarga amal qilish kerak:
Uni bir odam ko’tarsa, bir qo’lini uning orqasiga, ikkinchi qo’lini tosga qo’yib ko’taradi. Agar ikkita odam bo’lsa, boshi va orqasini, ikkinchisi esa tos ostidan va boldiridan ushlab, bir vaqtda ko’taradi. Agar jarohatlangan odamni olib ketish kerak bo’lsa, ikkita qutqaruvchi o’z qo’llarida o’tiradigan joy qiladilar. Buning uchun uchta qo’l bilan o’tirish joyi qilib, to’rtinchi qo’l bilan uning orqasidan ushlanadi yoki 4 ta qo’lda qulf qilib ushlab, jarohatlangan odam unga o’tqazib tashiladi.
1. Bosh suyagi, umurtqa pog’onasi singan odam faqat yotqizib gorizontal holatda tashiladi.
2. Qovurg’alari, o’mrov suyagi singan odam o’tqazib tashiladi, agar o’tira olmasa, zambilda yarim o’tirgan holatda tashiladi.
3. Ko’krak qafasi shikastlangan odam jarohat olgan tomoniga yotqizib, yoki yarim o’tirgan holatda tashiladi.
4. Bo’ynining old tomoni shikastlangan odam yarim o’tirgan holda bo’yni yaralangan tomoniga egilgan holatda tashiladi.
5. Qorindan yaralanganda ichki qon oqishi sodir bo’lgan odam orqasi bilan yotqizib dumg’aza ostiga yostiqcha qo’yiladi.
6. Hushdan ketgan odam boshi oyog’idan pastroq qilib yotqizib tashiladi.
SHikastlangan odam transportda tashilganda unda jarohatli karaxtlik paydo bo’lishiga yo’l qo’ymaslik kerak. Buning uchun uni avaylab yotqizib, transport vositasini asta haydab shifoxonaga yetkazish lozim.
Agar siz tasodifan yo’l-transport hodisasi sodir bo’lgan joyda bo’lsangiz, ammo atrofdagi odamlar orasida tibbiyot xodimi bo’lmasa, shikastlanganlarga tez tibbiy yordamga muhtoj bo’lsa, siz bu oddiy, ammo hayot uchun muhim bo’lgan usullarni bilsangiz, shikastlangan odamning hayotini saqlab qolib, katta savob ish qilgan bo’lasiz, bu yerda eng muhimi va asosiysi — shikastlangan odamga zarar yetkazmaslik.