4-Mavzu: Kasb tanlashga yo’llash, kasb tanlashga yollashning didaklik tamoyillari. Texnologiya jarayonining tahlili va kasb tanlashga yo’Ilash didaklik tushunchalari

Bilim, ko’nikma va malakalarni o’zlashtirishning mustahkamligi va puxtaligi

Mazkur tomonlari shunday o’quv jarayonini taqozo etadiki unda o’quvchilar o’zlarining bo’lajak faoliyatlari uchun zarur bo’ladigan bilim, malaka va ko’nikmalarni iloji boricha asosliroq egallaydilar: ularni xotirada qayta tiklay oladilar hamda nazariy va amaliy vazifalarni hal etishda foydalanadilar.

Bilim, malaka va ko’nikmalarni mustahkam egallashda o’zlashtirilgan malaka va ko’nikmalarga qayta murojaat etish, ularga yangi nuqtai nazar bilan qarab aniqlik kiritib, yangi dalillar bilan boyitish muhim ahamiyatga ega. Har bir mashg’ulotda yangi materialni o’tilgan material bilan bog’lash uchun takrorlash o’tkazish, mashg’ulot oxirida esa egallangan materialning asosiy masalalar bo’yicha obzor qilish maqsadga muvofiqdir. Takrorlash vaqtida dalil va misollardan foydalanish, o’rganilgan materialni yanada chuqurroq tahlil qilish muhimdir. Amalda didaktikaning barcha tomoni bir-biri bilan yaqin aloqada bo’lgan holda yuzaga chiqadi. Ular aniq material va ta`lim sharoitini hisobga olgan holda ijodiy qo’llanilishi zarur.