4-мавзу. Иш қобилиятини таъминлаш стратегиялари ва тактикалари иш қобилиятини таъминлаш стратегиялари Стратегия турлари

3. ТАЪМИРЛАШ
Таъмирлашдан мақсад - буюм ва буюм элементларининг иш қобилиятини сақлаб туриб ва қайта тиклаш ҳамда эксплуатация жараёнида рўй берадиган бузилишлар ва носозликларни бартараф қилишдир.
Характерли таъмирлаш ишлари: назорат-диагностика, саралаш (яроқли-яроқсизларга), ажратиш, йиғиш, чилангарлик, механик, пайвандлаш, кузов, буяш ва бошқалар.
Таъмирлаш ишларининг хусусиятлари:

1. 
   қоида сифатида чегаравий ҳолатга етгандан кейин, яъни зарурат бўйича бажарилади;
   
2. 
   таъмирлашгача юрилган йўл, одатда, техник хизмат кўрсатиш даврийлигидан ортиқ;
   

3. 
   автомобил ва агрегатни тўлиқ ёки қисман бўлакларга бўлинади;
   
4. 
   катта меҳнат ҳажми ва қийматга эга;
   

5. 
   етарли мураккаб махсус ва универсал жиҳозлар (дастгоҳлар, пайвандлаш, буяш ва бошқалар) қўлланади;
   
6. 
   таъмирлаш объекти сифатида бутун автомобил, агрегат, йиғма бирлик ёки детал олинади.
   

Таъмирлаш турлари қуйидагиларга бўлинади:
Асосий (капитал) таъмирлаш (AT). Автомобил ёки агрегатни асосий таъмирлашдан мақсад - буюмнинг ишлаш қобилиятини, янги буюм ишлаш қобилияти, янги буюм ресурси даражасига яқин (ресурс 80 фоиз ва ундан юқори) меъёрий даражагача аниқ белгиланган тиклашдир. AT, қоида сифатида, махсус автотаъмирлаш корхоналарида бажарилади.
Деталларни таъмирлаб тиклашдан мақсад - янги детал кўрсаткичларига тўғри келадиган ишлаш қобилиятининг номинал даражасини таклашдир. Бу ишлар махсус корхоналарда, бир қатор мамлакатларда эса завод - тайёрловчилар ёки уларнинг шуъба корхоналарида бажарилади.
Жорий таъмирлаш (ЖТ) автомобил эксплуатацияси жараёнида содир бўладиган бузилиш ва носозликларни бартараф қилишга ҳамда автомобил ва агрегатлар ресурсларининг мукаммал таъмир ёки ҳисобдан чиқарилгунча белгиланган меъёрларини таъминлашга мўлжалланган. ЖТ, қоида сифатида, автотранспорт корхоналарида (ТХК ораларида ёки у билан биргаликда), махсус таъмирлаш устахоналарида ва техник хизмат кўрсатиш станцияларида бажарилади.