4-mavzu. Internet tarmogʻi va uning tashkil etilishi Reja: Kompyuter tarmoqlari va ularning turlari Internet va intranet

 
Davlat organlari web-saytlariga qoʻyiladigan talablar:
Oʻzbekiston Respublikasi Vazirlar Mahkamasining “Axborotlashtirish sohasida normativ-
huquqiy bazani takomillashtirish toʻgʻrisida”gi 2005 yil 22 noyabrdagi 256-son qarori
Amaldagi qonun hujjatlariga asosan davlat organlarining web-saytlariga quyidagi talablar 
qoʻyilgan: 

rasmiy web-saytga joylashtirilgan asosiy axborotlardan foydalanish erkin va bepul 
boʻlishi kerak. 

rasmiy web-saytga joylashtirilayotgan axborotlarning sanasi koʻrsatilishi va ular 
muntazam yangilab borilishi kerak. Axborotlarni yangilab borish muddati davlat organi tomonidan 
belgilanadi, biroq axborotlar bir haftada kamida bir marta yangilanib borishi kerak. 

davlat organining rasmiy web-sayti ".UZ" domen zonasida hamda Hukumat portalida 
belgilangan tartibda roʻyxatdan oʻtkazilgan boʻlishi, shuningdek Oʻzbekiston Respublikasi 
hududida server(xosting)da fizik jihatdan joylashtirilishi kerak. 

rasmiy web-saytga axborot davlat tilida taqdim etilishi kerak. Rasmiy web-sayt 
axborotlari boshqa tillarda ham boʻlishi mumkin. 

davlat organi rasmiy web-saytdagi axborotlarni shakllantirish, joylashtirish, shuningdek 
yangilab borish uchun mas’ul boʻlgan shaxs(boʻlinma)ni buyruq bilan belgilaydi. 

davlat organi oʻzining rasmiy web-saytida joylashtirilgan axborotlarning yoʻq qilinishi, 
toʻsib qoʻyilishi, buzib talqin qilinishi, qalbakilashtirilishi va soxtalashtirilishining hamda boshqa 
shakllardagi ruxsatsiz aralashuvlarning oldini olish boʻyicha tegishli muhofaza chora-tadbirlarini 
koʻrishi kerak.