4-мавзу. Давлат бошқаруви тизимида конституциявий асосларни такомиллаштириш муаммолари

4-мавзу. Давлат бошқаруви тизимида конституциявий асосларни такомиллаштириш муаммолари

1. 
   Ўзбекистон Республикасининг давлат бошқаруви тизими: мавжуд ҳолат, муаммолар ва ислоҳ этиш вазифалари;
   
2. 
   Давлат бошқаруви ва маъмурий ислоҳотлар;
   
3. 
   Ижро ҳокимиятининг марказий ва ҳудудий тузулмалари фаолияти самарадорлигини ошириш;
   
4. 
   Давлат хизмати тизимини такомиллаштириш: асосий йўналиш ва истиқболлар.
   

Зарурий адабиётлар:
Nan D. Hunter. The Law of Emergencies (Second Edition). Butterworth Heinemann. – 2018, Pages 3-170.
Писарев А.Н. Актуальные проблемы конституционного права Российской Федерации: Учебное пособие. — М.: РГУП, 2016. – 410 с.
Ides A., May C. N., Grossi S. Examples & Explanations for Constitutional Law: Individual Rights. – Wolters Kluwer Law & Business, 2018. 599 pages.
Chemerinsky E. Constitutional law. – Aspen Publishers, 2019. 1915 pages.
Foster, C. (2004). Cabinet Government in the Twentieth Century. The Modern Law Review, 67(5), 753-771. Retrieved August 13, 2020, from www.jstor.org/stable/3699224
McQuire, K. A. (2012). President-prime minister relations, party systems, and democratic stability in semipresidential regimes: Comparing the french and russian models. Texas International Law Journal, 47(2), 427-454. Retrieved from https://search.proquest.com/docview/1013534842?accountid=177869


1. Ўзбекистон Республикасининг давлат бошқаруви тизими: мавжуд ҳолат, муаммолар ва ислоҳ этиш вазифалари

Ўзбекистон Республикаси Конституциясининг 11-моддасида Ўзбекистон Республикаси давлат ҳокимиятининг тизими — ҳокимиятнинг қонун чиқарувчи, ижро этувчи ва суд ҳокимиятига бўлиниши принципига асосланиши мустаҳкамаланган. Бу эса мамлакатимизда давлат ҳокимияти ва давлат бошқарувини ташкил этилишига оид масалалар демократик тамойилларга тўлиқ жавоб беришини кўрсатади.

Давлат бошқаруви бу ижтимоий бошқарувнинг бир тури бўлиб, жамиятни бошқаришдир. Давлат бошқаруви жамият аъзоларининг биргаликдаги ҳаракатларини бир-бирига мослигини ва интизомини ҳам таъминлайди. Давлат бошқарувини давлат бошқарув органларининг амалий фаолияти сифатида тавсифлаш мумкин. Шунингдек, давлат бошқаруви ижроия ҳокимият идоралари томонидан давлат ҳаётининг муайян соҳаларига ва объектларига раҳбарликни амалга ошириш фаолиятидир.