4-ma’ruza yelka qismini va yeng o’mizini modellash Reja

1-rasm. Vertikal bo’rtma hosil qilish

2-rasm. Vertikal bo’rtmali ko’krak qismini bezatish variantlari: a – dekorativ baxyaqatorlar bilan; b - qo’yma buramalar bilan; v - qo’l bilan

Vertikal bo’rtmalarni to’liq, ayniqsa ustki qismida hajmlari katta figuralilarga tavsiya etish mumkin. Ko’rinuvchi illyuziyalar tufayli bunday bo’rtmali figuralar torroq ko’rinadi.

Bel chizig’iga ko’krakusti vitochkani o’tkazish. Ko’krak qismi oldi baza asosi vitochkalari uzunasiga kesiladi. Ko’krakusti vitochka ochilishlari uning yon kesiklarini birga qo’shib yopiladi. Hosil qilingan vitochka ko’krak markazigacha 3-4 sm ga yetmasligi kerak. U ko’krak chizig’i ostida yumshoqlik qoldirib to’liq yoki qisman tikilishi mumkin. Bel chizig’i kesiki bo’yicha vitochka o’rniga burma loyihalashtirilishi mumkin. Bu holda tushib turish hosil qilish uchun ko’krak qismi 3-5 sm ga uzunlashtiriladi. Yumshoq, hajmli ko’krak qismi ortiqcha oriqlikni yashirish zarur bo’lgan figuralarga tavsiya etiladi. Vitochkaning keng ochilishini bir necha chuqur bo’lmagan qatlanma-mayda taxlanmalarga taqsimlash mumkin.

3-rasm. Bel chizig’iga vitochkani o’tkazish:
a – kesik chizig’ini old bo’lakka solish; b – yopiq yelka vitochkali tayyor andaza

4-rasm. Bel chizig’iga ko’krak vitochkalar o’tkazilgan ko’krak qismi variantlari: a – biriktirib tikishli; b – burmalar bilan almashtirilgan; v - qisman bukib tikilgan taxlanmalar guruhli
Yeng o’mizidan bel chizig’igacha chiquvchi bo’rtma.
Old bo’lak detalda ko’krak markazi orqali yeng o’mizidan silliq aylanma chiziq bilan bo’rtma chizig’i bel chizig’iga vitochka bo’ylab davom ettirilib belgilanadi. Belgilangan chiziq bo’yicha bo’rtma kesiladi va kesiklarni ulab ko’krak usti vitochka yopiladi.