4-Amaliy mashg’ulot: O’lchash o’zgartgichlari konstruksiyalari. O'lchash o'zgartgichi

Datchiklarning vazifasi - ma'lum bir tashqi fizikaviy ta’sirga reaksiya ko'rsatish va uni o'lchash sxemalari bilan tutashtirish mumkin bo'ladigan elektr signallariga aylantirishdan iborat.
Ma’lum fizik qonunlar asosida ishlovchi va birorta o'lchash o'zgartirishini bajaruvchi texnik qurilma о‘lchash о ‘zgartkichi deb ataladi.
Demak, o'lchash o'zgartkichi bir fizik kattalikni bilan funksional bog'langan boshqa bir fizik kattalik orqali aks ettiradi. Tuzilishi va ishlash asosiga ko'ra, o'lchash o'zgartkich
( O’ O’ ) lari xilma-xil bo‘lsa-da, ular o'zgartirish funksiyasi, darajalash(graduirovka) xarakteristikasi, xatoligi, o'lchash doirasi kabi umumiy xarakteristikalar bilan xarakterlanadi.
ГОСТ 8009-84 ga ko'ra, o'zgartirish funksiyasi-O'O' chiqish signali informativ parametrining kirish signali informativ parametri bilan funksional bog'liqligi analitik, jadval va grafik ko'rinishida ifodalanadi.
Darajalash natijasida olingan chiqish va kirish qiymatlarining o'zaro bog'liqligi О ‘O ‘ning darajalash xarakteristikasi deyiladi. U formula, jadval va grafik ko'rinishlarida berilishi mumkin.
O‘lchash o'zgartkichlarining klassifikatsiyasi
O'O' vazifasi va ishlash asosiga ko'ra klassifikatsiyalanadi. Ular vazifasiga ko'ra mexanik, gidravlik, issiqlik, kimyoviy, biologik, pnevmatik va boshqa kattaliklar O’O’ ga bo'linadi. Ishlash prinsipiga ko’ra esa generator va parametrik O’ O’ larga bo’linadi. Generator O'O' da o'lchanayotgan noelektrik kattalik unga proporsional bo'lgan e.yu.k. yoki tokka o'zgartiriladi. Ularga elektromagnit, induksion, termoelektrik (termo juftliklar) pyezoelektrik va galvanomagnit O'O' kiradi. Parametrik O'O'da o'lchanayotgan kattalik qarshilik, induktivlik, o'zaro induktivlik va sig'im kabi elektr zanjirining parametrlariga o'zgartiriladi. Ularga elektromagnit (induksion, transformator va magnit qisiluvchi), termorezistor, optoelektrik (fotorezistorlar, fotodiodlar va fototranzistorlar), elektrokimyoviy (elektrolitik), rezistiv va elektrostatik O'O' kiradi