4-5-mavzu. Turizm turlari va klassifikatsiyasi Reja

«Kurort
» so„zi nemis tilidan olingan bo„lib, u 
«davolanadigan joy»
ma‟nosini anglatadi. 
Diniy turizm halqlarning o„z diniga bo„lgan hurmati va e‟tiqoti nuqtai nazaridan muqaddas 
qadamjoylar, shaharlar, qabriston va aziz sanalgan maskanlarga ziyorat qilishdir. 
Sport turizmi - sport o„yinlariga, musobaqalarga va sport musobaqalari o„tkaziladigan 
mintaqaga yoki mamlakatga sportchilar bilan birgalikda muhlislarning tashrifi demakdir. Qayd 
etish joizki, hozirgi paytda turizmning bu tarmog„i katta daromad manbai sifatida tez o„sib 
bormoqda. 
Tanishuv turizmi keng qamrovli bo„lib, sayyohlikning barcha tarmoqlari bilan 
chambarchas bog„liq. Turizmning bu tarmog„ida sayohat paytida sayyoh yangi joylar bilan 
tanishish, ko„rish bilan ma‟naviy zavq oladi. Shuning uchun yuqoridagi turizmning funksional 
turlaridan barchasida asosan bu tarmoqning bevosita ishtirok etishi xarakterlidir. 
Turizm Butunjahon turistik tashkiloti (UWTO) ta‟biri bo`yicha, nafaqat iqtisodiy, balki bir 
vaqtning o„zida ijtimoiy, madaniy, ekologik va siyosiy hodisa hisoblanadi. 
Ijtimoiy turizm – insonparvarlik maqsadlarini aks ettiradi, bu maqsadlar esa insonlarni 
sog„lomlashtirishga, ularning madaniy va o„quv–ta‟lim manfaatlarini qondirishga qaratilgan. 
Shuning uchun bozor sharoitida tijorat turizmini turizm tashkilotlarining tadbirkorlik faoliyatini 
taraqqiy ettirish asosida turizmning asl rolini esdan chiqarmaslik zarur – bu insonga xizmat 
qilish, uni ma‟naviy boyitish, uning tafakkurini oshirish va sog„lig„ini mustahkamlashdir. 
Xalqaro turizm – xalqlar o„rtasidagi iqtisodiy aloqalar shakllaridan biri sifatida 
takomillashib bormoqda, u davlatlar o„rtasidagi siyosiy, iqtisodiy va madaniy aloqalarga jiddiy 
ta‟sir o„tkaza boshladi. Xalqaro turizm - turizmning yetakchi sohasidir, uning rivojlanishi 
servisning ichki infratuzilmasining rivojlanishiga va ko„rsatilayotgan xizmatlarning sifatiga 
bog„liqdir. 
Rekreatsiya geografiyasi dam olish, hordiq chiqarish, sog„liqni tiklash, tabiat go„zalligidan 
zavqlanib, ruhini ko„tarishga qaratilgan faoliyat majmuini o„z ichiga oladi. Rekreatsiya so„zi 
polyakcha «rekrasia» – dam olish, lotincha «rekratio» - sog„liqni tiklash demakdir. Binobarin, 
uzoq muddatga mo„ljallangan rekreatsion faoliyat turizmga mos keladi va shu nuqtai nazardan 
ham turizm geografiyasi an‟anaviy rekreatsion geografiyaning bir qismidir. Rekreatsion turizm 
bevosita sog„liqni tiklash (sanatoriya, kurort, pansionat va h.k) bilan ham bog„liq. Bizningcha, 
turizm geografiyasi bilan rekreatsiya turizmi bir biri bilan aloqador tushunchalardir. Chunki, 
rekreatsiya geografiyasi kishilar sog„lig„ini tiklash, sog„lomlashtirish, dam olish paytida turistik 
ekskursiyalar uyushtirilib, ularning sayohatlarga chiqishi bevosita turizm bilan bog„lanib ketadi. 
Chunonchi, «ekskursiya» lotincha – safar-sayohat (muzeylarga, tarixiy yodgorliklarga, tabiat 
qo„yniga va h.k) qilish ma‟nosini anglatadi.