4- мавзу. ИҚтисодиёт ва унинг реал секторини ривожлантиришда хусусий инвестицияларнинг ўрни ва аҳамияти

1. Иқтисодиётнинг реал сектори тушунчаси мазмуни ва унинг миллий иқтисодиёт ривожидаги аҳамияти. Иқтисодиётнинг реал сектори таркибий тузилиши ва шаклланиши.

Иқтисодиётни ислоҳ қилишнинг «ўзбек модели» миллий иқтисодиётга хос хусусиятларни ҳар томонлама ҳисобга олишга асосланади. Улардан бири - сармояларни жалб этиш йўли билан иқтисодиётнинг реал секторига мадад беришдир.

Иқтисодиёт таркибини ислоҳ этиш бу – миллий иқтисодиётни барқарор ривожлантириш учун энг зарур бўлган ресурсларни етказиб берувчи тармоқлар мажмуидир.

Уларга нефт, нефт маҳсулотлари ва бошқа энергия ресурслари, табиий газ, кўмир ишлаб чиқарувчи соҳалар, тоғ-металлургия комплекси, кимё, машинасозлик, самолёцозлик ва автомобилсозлик саноатлари киради. Иқтисодиёт таркибини ўзгартириш бутун миллий иқтисодиётга хизмат қилади ва техник тараққиётни таъминлайди.

Ўзбекистонда иқтисодиёт таркибини ўзгартириш давлатнинг кўмагида ривожланди. Чунки, бу тармоқларни йирик сармоялар ҳисобидангина ривожлантириш мумкин.

2. Тузилмавий ислоҳотларнинг иқтисодиётнинг реал секторидаги таркибий ўзгаришларга таъсири ва аҳамияти. Иқтисодиётнинг реал секторини ривожлантириш омиллари ва унда инвестицияларнинг тутган ўрни

Миллий иқтисодиётнинг реал сектори соҳаларининг ривожланиши кўп жиҳатдан жалб этилаётган инвестицияларнинг ҳажмига ва бу ўз навбатида минтақаларнинг инвестицион жозибадорлик даражасига боғлиқ.

Сўнгги йилларда иқтисодиётимиз ЯИМ нинг ўсиш даражаси ўртача

8,0 %, 7,8 % ни ташкил этмоқдаки, бу барқарор ўсиш айнан реал сектор тармоқларига инвестициялар жалб этиш кўламининг ортиши билан амалга ошмоқда.

Иқтисодиётда таркибий ўзгаришларни янада чуқурлаштириш, корхоналарнинг инвестиция фаолиятини жадаллаштириш, ишлаб чиқаришни модернизация қилиш, техник ва технологик жиҳатдан қайта жиҳозлаш хорижий инвестициялар, аввало, тўғридан-тўғри инвестицияларнинг ўрни беқиёсдир.

Ривожланган давлатлар тажрибаси шуни кўрсатадики, чет эл инвестицияси жалб қилиниши мазкур давлатларнинг реал секторни юксак даражада тараққий этишида ҳал қилувчи омиллардан бири бўлган.