4- маъруза Электр занжирларнинг асосий элементлари

Фараз қилайлик, электромагнит энергияси иссиқлик энергиясига фақат а-b соҳадаги резистордагина ўтаяпти, яъни бу оралиқда зан-жирнинг барча қаршилиги r миқдорида мужассамланган; электр силжиш токлари фақат c-d оралиқда конденсатор қопламалари орасида мавжуд, яъни бу соҳада занжирнинг барча С сиғими му-жассамланган; ниҳоят, ўзгарувчан магнит майдон ЭЮКни фақат h-j оралиқда мужассамланган ғалтакда индуктивлайди, яъни ушбу соҳада занжирнинг барча L индук-тивлиги йиғилган. Умумий ҳолда анча мураккаброқ кўринишга эга бўлган ва ҳар хил элементлардан ташкил топган шунга ўхшаш электр занжирлари, мужассамлан-ган параметрли электр занжирлари дейилади. Электр занжирлари схемалари умумий холда шохобчалар ва тугунлардан иборат. Электр занжири схемасининг шохобчаси деб занжирнинг шундай қисмига айтиладики, унинг ихтиёрий бўлагида токнинг миқдори доимо бир хил бўлади.

3.13-расм 3.14-расм 3.15-расм

Шохобча таркибида ихтиёрий миқдордаги кетма-кет уланган қаршилик, конденсатор, индуктивлик элементлари, ЭЮК манба-лари бўлиши мумкин. Бунга мисол сифатида 3.15-расмни келтириш мумкин. Унда схеманинг d нуқтасидан c нуқтасига L1, r1 , e ва r2 элементлари бўйлаб юрсак, шу элементларнинг ҳар биридан бир хил ток оқишини кўрамиз. Демак, схеманинг d - L1 - r1 - e - r2 - с бўлаги шохобча экан. Шу dс оралиқни с – C – r3 – d бўйлаб юрсак, яни бир шохобчани кўрамиз. Ушбу схемада яна c – r4 – f, f -r6 - h, q - L2 - r7 – h ва d - r5 – h шохобчалар ҳам мавжуд. Демак, ҳар бир шохобчадаги элементлар ўзаро кетма-кет уланган экан. Бунда электр занжири қисмларининг кетма – кет улангани деб шундай уланишига айтиладики, унда занжир шу бўлагининг ҳар бир қисмидан оқаётган ток бир бирига тенг бўлади. Кетма – кет уланган элементларга мисол сифатида 3.16-расмда келтирилган схемаларни кўриб чиқайлик. Иккинчи шохобчада эса c ва d нуқталари орасида r ва L элементлари кетма-кет уланган ва ir = iL (3.16,б-расм).