«3d studio max programmasında 3 ólshemli súwretler jaratıw» Jobası: Kirisiw

Jumıstıń obyekti: Joqarı oqıw orınlarınıń kompyuter kursın oqıtıw metodikası tiykarında alıp barıladı.
Jumıstıń predmeti: Kompyuter grafikası páninen kompyuterdiń tańlap alınǵan 3Ds MAX programmasında elektron didaktik jumıslar tayarlaw metodları islep shıǵıladı.
Jumıstıń qurılısı: Biziń jumısımız kirisiw, 2 ta bap, juwmaqlaw, paydalanılǵan ádebiyatlar dizimi hám siltemelerden turadı. Ulıwma betler sanı:.


I BAP. 3D STUDIO MAX PROGRAMMASI HAQQINDA TIYKARǴI TÚSINIKLER

3D Studio MAX programması haqqında túsinik

3D Studio MAX úsh ólshemli modellestiriw hám kórgizbeli kórsetiwdiń (vizualizasiya) jańa basqıshı esaplanadı. Bul programma járdeminde joqarı sapalı animaciya hám úsh ólshemli modellardi professional dárejede jaratıw múmkin.
Bul programma járdeminde joqarı sapalı multiplikacion filmler, belgili pánler boyınsha kórgizbeli proektler islew múmkin.
3D Studio MAX te obyektlerdi jaratıw maydanı (viewport)nda jaratasız. Bunıń ushın siz kerekli ásbaptı tańlap, kursordı qurıw maydanına keltirgenińizde jumıs kursor forması ózgeredi. Tıshqansha járdeminde obyekttiń ólshemlerin beresiz.
Jaratılǵan obyektlerde kino effektlar jaratıw ushın arnawlı kamera hám jarıtqısh ásbaplatın qollanıwıńız múmkin.
Obyekt sirti ushın túrli material tańlawıńız múmkin, yaǵnıy oǵan máselen tınıq yaki gedir-budır sirt beriwińiz múmkin.
Qurılıs maydanında jaratılǵan obyektlerdi háreketlentirip, kishi animaciya payda etiw múmkin. Bunıń ushın {Animaciya} túymesin basıp, kadrlardı ózgertirgen halda obyektti háreketlendiriw menen aqırǵı kadrǵa kelinedi.Soń animaciya panelinen {Play} túymesi basıladı. Nátiyjede kadrlar almasıp, animascya payda boladı. Bul jaratılǵan animaciyanı fayl kórinisinde kompyuter yadına saqlaw hám qálegen video kórinislerdi oqıy alatuǵın programma járdeminde oqıwımız múmkin. Fayl *.avi keńeytpeli formatta saqlanadı.

1.2. Paydalanıwshı interfeysi haqqında maǵlıwmat

Birinshi náwbette siz 3 Ds Max programmasın iske túsirgende onıń tiykarǵı ekranına kózińiz túsiwi múmkin. Eger siz jańa paydalanıwshı interfeysin bilmeytuǵın bolsańız, onda dáslep qurılmalardı kórip shıǵıwıńız múmkin hám de olar menen tolıq tanısıwıńız lazım.

Siz interfeystiń programma elementlerinen dúzilgenligin, yaǵnıy birdey buyrıqlardıń toparlarǵa ajıratılǵanın kóriń hám isenim kámil etiń. Máselen óz waqtında obyektler jaǵdayın sazlaw ham basqarıwdı ámelge asırıw túymeshesi jámlenbesi járdeminde animaciyanı ámelge asırıw procesin basqarıw deregi. Programma ekranın shártli túrde bes tiykarǵı elementlerge ajıratıw múmkin: