3-sinf ona tili darsida “gap” mavzusini o’tishda interfaol usullardan foydalanish”

Tadqiqot vazifalari. Shundan kelib chiqib, ushbu ishda quyidagi vazifalarni bajarish talab qilinadi:

1. 
   Boshlang‘ich sinf ona tili darslarida sintaksis elementlari uslubida ishlash uchun qulay va samarali usullarni tanlash.
   
2. 
   Gap va gap bo‘laklari xaqida ma’lumot berish. Gapda gap bo‘laklarining uyushib kelishini mashq, matn, topshiriqlar orqali aniqlash.
   
3. 
   Gapda tinish belgilaridan foydalanishi va unga amal qilish.
   

Bitiruv malakaviy ishning metodologik asoslari va metodlari. O‘zbekiston Respublikasining davlat tili to‘g‘risidagi qonuni, kadrlar tayyorlash “Milliy dasturi” ishda metodologik asos bo‘lib xizmat qiladi. Ishda tuzatish, tahlil qilish, analitik, interaktiv metodlarga amal qilib, ulardan foydalanildi.
Bitiruv malakaviy ishning ilmiy yangiligi. Ishda ona tili ta’limida sintaksis elemetnlari o‘qitish, gap mavzusini 3-sinflarda o‘tish jarayonida yuzaga chiqadigan muammolar, an’anaviy va zamonaviy uslubdagi darslarning ahamiyati, “Gap”mavzusini interfaol usulda o’tish muammo sifatida ajratilib, o‘quvchilarning o‘zlashtirish sifatini yaxshilashdagi o‘rni ilk bor o‘rganildi.
Bitiruv malakaviy ishning amaliy ahamiyati. Ishning amaliy ahamiyati shundan iboratki, boshlang‘ich ta’lim usuliyotini bitiruvchi talabalar davlat amaliyotida boshlang‘ich sinf ona tili darslarida shu mavzu mazmunini o‘rgatishda va mazkur sohaning mutaxassislari dars jarayonida foydalanishlari mumkin.Gap bo‘laklari, gapning uyushiq bo‘laklari, gapning turlari boshlang‘ich sinflarda turli darajada o‘rganiladi. O‘quvchilar fikr ifodalovchi nutq birligi – gap xaqidagi elementlarini, tafakkurda aks etuvchi gapning bosh va ikkinchi darajali bo‘laklari, gapda so‘zlarning bog‘lanishi, gapning uyushiq bo‘laklarini o‘rganishda dastlabki bilimlariga tayanadilar. 1-sinfda nutq, gap tuzish, undagi tinish belgilar haqida ma’lumot berilsa, 2- sinfda gap turlari va uning tarkibi o‘rganiladi. 3- sinfda ham shu mavzular chuqurroq berib o‘tilgan bo‘lsa, 4-sinfda gapning uyushiq bo‘laklarini o‘rganish bilan gap bo‘laklari xaqidagi bilim kengaytiriladi. Boshlang‘ich sinf ona tili darsligida gapning sintaktik xususiyatlarini o‘rganishda mashq, matn bilan ishlash o‘quvchilarning iste’dodini, bilimni matn, mashqlar, topshiriqlar asosida rivojlantirish usullari ishning ilmiy – usuliy ahamiyatidir.