3-sinf matematikadan masalalar

244-masala.
40 ta rangli qalamni har birida 6 tadan qilib qutilarga solish kerak. Nechta quti kerak bo`ladi? Nechta qalam qoladi?


250-masala.
1) Sut sog`uvchi ayol 100 l sut sog`di. 36 l sutni u buzoqlarga berdi, qolgan sutni esa 8 ta bidonga baravardan quydi. Sog`uvchi 1 ta bidonga necha litr sut quygan?
2) (100-73):9 ifoda bo`yicha oldingi masalaga o`xshash masala tuzing.


259-masala.
Yashikda 25 kg kartoshka bor edi. Bir haftadan keyin yashikda 16 kg kartoshka qoldi. Bir haftada qancha kartoshka ishlatilgan?


263-masala.
Kitob 45 so`m turadi, 4 ta bir xil albom 36 so`m turadi. Kitob bitta albomdan necha so`m qimmat turadi?


266-masala.
Uch xaridorga 9 m dan gazlama sotilganidan keyin to`pda 48 m gazlama qoldi. Dastlab to`pda necha metr gazlama bo`lgan?


269-masala.
Do`konga 100 ta velosiped olib kelindi. 6 kunda har kuni 9 tadan velosiped sotildi. Sotish uchun qancha velosiped qoldi?


277-masala.
Birinchi yashikda 28 kg, ikkinchi yashikda 20 kg mix bor. Hamma mixni 4 kg dan qilib xaltalarga solindi. Nechta xalta kerak bo`lgan? Masalani ikki usul bilan yeching.


279-masala
Maktab tajriba maydoniga 9 kg no`xat ekildi va kuzda undan 27 kg ortiq no`xat yig`ib olindi. Yig`ib olinganiga qaraganda necha marta kam no`xat ekilgan?


282-masala.
30 kg xurmoni 5 ta yashikka baravardan qilib solindi. 54 kg xurmoni solish uchun nechta shunday yashik kerak?


285-masala.
Oshxonada 100 kg un bor edi. Hafta mobaynida har kuni 9 kg dan un ishlatildi. Oshxomada necha kilogramm un qoldi?


289-masala.
Avtomat dastgoh 4 minutda 24 ta guldon tayyorlaydi. Bu dastgoh 9 minutda nechta guldon tayyorlaydi?


290-masala.
30 so`mga 5 ta sanoq cho`pi sotib olindi. 18 so`mga nechta shunday sanoq cho`pi sotib olish mumkin?


299-masala.
Qayerda sut ko`p – to`rtta ikki litrli bankadami yoki uchta besh litrli bankadami? Necha litr ko`p?


300-masala.
Tomonlari 3 sm va 6 sm bo`lgan to`g`ri to`rtburchak chizing. Uning uchdan bir qismini bo`yang va yuzini hisoblang.