3-semestr davomida quyidagi ilmiy seminarlarda passiv ishtirok etildi

Kafedra mudiri: Qodirova Z.A
Ilmiy rahbar: Abdurashidov A.A

2021-yil 22-noyabr. “Sharq mamlakatlari iqtisodiyoti” va “Tashqi iqtisodiy faoliyat va turizm” kafedralari ustozlari dissertatsiya ishlari muhokamasida

2021-yil 22-noyabr. “Sharq mamlakatlari iqtisodiyoti” kafedrasi o’qituvchi-stajeri Qodirjonov Adxamjon Muxtorjon o’g’lining iqtisodiyot fanlari bo’yicha falsafa doktori (PhD) ilmiy darajasini olish uchun tayyorlagan dissertatsiya ishi muhokamasida nutqidan.
Toshkent Davlat Sharqshunoslik Universiteti Sharq mamlakatlari iqtisodiyoti, siyosati va turizmi fakulteti Tashqi iqtisodiy faoliyat va Turizm kafedrasi 5A231102-Tashqi iqtisodiy faoliyati (tashqi savdo faoliyati) mutaxassisligi 2-kurs magistranti Abdumannonzoda Nafisaning 3-semestr davomidagi ilmiy seminarlari bo'yicha hisoboti:
3-semestr davomida quyidagi ilmiy seminarlarda passiv ishtirok etildi:

2021-yil 4-dekabrda Toshkent davlat sharqshunoslik universitetida “Pandemiya sharoitida tashqi iqtisodiy faoliyat: muammo va yechimlar (xorij mamlakatlari tajribasi)” mavzusida xalqaro ilmiy-amaliy anjuman o‘tkazildi.

Xorijiy va Respublika OTMning professor-o‘qituvchilari, ilmiy xodimlar, soha mutaxassislari, doktorant va magistrlar ishtirok etgan tadbirda pandemiya davrida jahon iqtisodiyoti rivojlanishining o‘ziga xos xususiyatlari, milliy xo‘jaliklar tashqi savdo aloqalarini rivojlantirish, “Covid-19” pandemiyasining mamlakatlar tashqi iqtisodiy faoliyati rivojiga ta’siri va ijtimoiy-iqtisodiy oqibatlari, turizmni rivojlantirishning asosiy yo‘nalishlari va imkoniyatlari haqida so‘z bordi.



Ta’kidlanganidek, 2020 yilning o‘rtalaridan boshlab davlatlar yangi sharoitda tashqi iqtisodiy faoliyat sub’ektlarini tartibga solish borasida birin-ketin me’yoriy-huquqiy xujjatlarni qabul qila boshladi. Mamlakatlar o‘rtasidagi chegaralarning yopilishi hukumatlar tomonidan oziq-ovqat mahsulotlarini yetkazib berish bo‘yicha cheklovlarning qo‘yilishiga, tibbiyot va agrar sohadagi muhim strategik mahsulotlarni eksport va import qilish bo‘yicha qo‘shimcha shartlarning qo‘llanilishiga olib keldi.






Shu bois pandemiya sharoitida va undan keyingi davrda tashqi iqtisodiy faoliyat sohasida mavjud muammolar va ularni bartaraf etish yo‘llari, bu borada xorij mamlakatlari tajribasidan foydalanish imkoniyatlari masalasida taklif, ilmiy va amaliy tavsiyalar ishlab chiqish zarur. Mazkur anjuman ayni maqsadda tashkil etildi. Olimlar, soha mutaxassislari ushbu masalalarga bag‘ishlangan ilmiy ma’ruzalar va maqolalari bilan ishtirok etdi. Oqibatlar tahlil etilib, taklif va yechimlar o‘rtaga tashlandi. “Covid-19” pandemiyasining mamlakatlar tashqi iqtisodiy faoliyati rivojiga ta’siri va ijtimoiy-iqtisodiy oqibatlari, yangi sharoitda xalqaro turizmni rivojlantirishning asosiy yo‘nalishlari va imkoniyatlari xususida fikr almashildi.