3 Ongning strukturasi, uning muhim psixologik ta’rifi qanday?

Qayta esga tushirishni psixikaning ilgari mustahkamlangan mazmunini uzoq muddatli xotiradan chiqarib olish va uni amaliy xotiraga o’tkazish yo’li bilan aktuallashtirilishi sodir bo’ladigan xotirlash jarayoni sifatida ta’riflash mum­kin.
Aktuallashtirish jarayoni (ilgari o’zlashtirilgan materi­alni qayta tiklash) sodir bo’lishining turlicha qiyinlik yoki osonlik darajasi bilan bizni qurshab turgan narsalarni «avtomatik» ravishda tanishdan to esdan chiqarib yuborilgan narsalarni qattiq qiynalib esga tushirishga qadar darajasi bilan ta’riflanishi mumkin. SHunga ko’ra qayta esga tushirish jarayonining ichida uning har xil turlarini alohida ajratib ko’rsatgan holda ularni quyidagicha tartibda joylashtirish mumkin: tanish, xususan qayta esga tushirish. (u ixtiyorsiz va ixtiyoriy bo’lishi mumkin) va eslash. Bunda shaxsning tarixiy xotirasi bo’lmish xotirlash alohida o’rin egallaydi.
Tanish biron bir obhektni takroran idrok qilish sharoitida qayta esga tushirish demakdir. Tanish katta hayotiy ahamiyatga ega. Tanish bo’lmaganda biz har gal narsalarni avvaldan tanish bo’lgan narsalar deb emas, balki yangi narsalar deb idrok qilgan bo’lar edik. Tanish hamisha bizning tajribamizni tevarak-atrofimizdagi obhektlarni idrok qilishimiz bilan bog’laydi va bu bilan bizga atrofimizdagi namoyonlikda to’g’ri mo’ljal olish imkonini beradi.