3 McCarthy, O'Dell English vocabulary in use pdf

8.7. Молиявий таҳлилнинг моҳияти ва мақсади. 
Молиявий рентабелликнинг мақсади лойиҳанинг ҳамма ҳаёт давридаги инвестиция 
самарасини баҳолашдан иборат. Агар даромад лойиҳа қийматига нисбатан юқори бўлса, у 
ҳолда лойиҳа мақсадга мувофиқ деб ҳисобланади. 
Молиявий рентабелликни таҳлил қилиш биринчи навбатда хизмат ва маҳсулотларни сотувчи 
корхоналар учун жуда муҳимдир. Коммунал хизмат кўрсатувчи корхоналар учун эса унчалик 
керак эмас, чунки улар сарфланган харажатларни компенсация сифатида давлатдан олади. 
Маълумки хусусий фирмаларнинг фаолияти максимал фойда олишга йўналтирилган. 
Давлат корхоналари ҳам кўпчилик ҳолларда ўзларининг асосий мақсади қилиб даромадни 
кўпайтириш қилиб белгилайди, аммо Давлат корхоналари тижоратсиз мақсадларга ҳам эга 
бўлиши мумкин, бу эса албатта молиявий сиёсатга таъсир қилади. 
Молиявий рентабелликни ҳисоблашда кирим ва чиқимларни ҳисоблаш мақсадга 
мувофиқдир. Кирим ишлаб чиқарилган маҳсулот ёки кўрсатилган хизмат учун барча 
тўловларнинг йиғиндисига тенг. Бу ерда киримга накд пулга, кредитга берилган маҳсулотлар 
қиймати киради. 
Чиқимдаги барча харажатлар икки турга бўлинади: жорий харажатлар, капитал 
харажатлар. Жорий харажатларга иш ҳақи, материал, ёқилғи, аренда тўлови, коммунал 
тўловлар умумий ва административ хизматлар солиқ ва бошқа товар ва хизматлар учун тў-
ловлар киради. Жорий харажатлар корхонанинг умумий даромадидан тўланади. 
Капитал харажатларга лойиҳани амалга ошириш учун сарфланган инвестиция киради. 
Унга асосий фондларни модернизация, алмаштириш, капитал таъмирлаш харажатлари 
киради. Молиявий рентабелликни ҳисоблашда баҳоларнинг таъсири катта. Иқтисоднинг 
секторларида лойиҳа рентабеллигини ҳисоблаш учун бозор баҳоларидан фойдаланилади. 
Давлат секторларида эса контрол баҳолардан фойдаланилади. 
Бошқариладиган баҳолар асосан давлат органлари томонидан бошқарилади ва 
корхоналарнинг маълум молиявий шароитда фаолият кўрсатишга мўлжалланган.