3-mavzu. Valikli va zarbli harakatlanuvchi maydalagichlar reja

1–rasm. Bolg‘ali maydalagich chizmasi.

Korpusning yuqori qismida bolg‘alarning almashishi maqsadida devorning oldiga va orqasiga otib yuborish uchun ikkita vertikal ajratkich, maydalaydigan to‘sin va futerlangan plita mavjud.

Maydalagich rotori (2–rasm) gorizontal valga (1) o‘rnatilgan disklardan (4) tashkil topgan. Rotor uzunligi bo‘yicha disklar orqali o‘qlar (2) o‘tkazilgan bo‘lib, undagi sharnirli qatorlarida bolg‘alar (3) osilgan.

2–rasm. Bolg‘ali maydalagich rotori chizmasi.

Bolg‘alar qatorining soni tayyor mahsulotning yirikligidan bog‘liq holda ikkiga, to‘rtga yoki oltiga teng. Val (1) konusli qirqilgan vtulkaga mahkamlangan ikki rolikli podshipniklarda (5) aylanadi. Maydalagich bolg‘alari (3–rasm) ikkitali yoki to‘rttali yuzalari ishlaydigan joyini almashtirish, ag‘darish va sh.k. yo‘l orqali ko‘p marotaba ishlatish maqsadida yeyilmaydigan chidamli po‘latdan tayyorlanadi.

3–rasm. Bolg‘alar chizmasi.

3–rasm, b, v, g chizmalarida ikkitali yuzalar bilan va a , d chizmalarda to‘rttali ishlaydigan bolg‘alarning konstruksiyalari tasvirlangan. Katta maydalagichlarda bolg‘alar soni 100 taga ega bo‘ladi, ularning har birining massasi 4 ... 70 kg.

Sindiruvchi plita (6) (1–rasmga qarang) yeyilmaydigan chidamli plitalar bilan futerlangan va yuqori qismi maydalagichning korpusiga mahkamlangan. Plitalarni siljishi rotorga nisbatan boshqariladigan qurilma yordamida amalga oshiriladi. Sindiruvchi to‘sin (7) rotor o‘qiga parallel staninaning pastki qismidagi to‘g‘ri burchakning teshiklarida siljishi orqali tayyor mahsulot o‘lchamlarini tartibga solish uchun katta maydalagichlarda ishlatiladi. To‘sinning ishchi tomoni yeyilishidan saqlanishi futerlangan. Suriladigan kolosnikli panjara (4–rasm) to‘rtta qo‘zg‘aluvchi (3) bilan temir yo‘l relslarida joylashgan telejka (2) ga (mashinaning surilib yuruvchi qismi) yig‘ilgan.