3-mavzu. Temir-uglerod qotishmalari. Po’lat, Cho’yan va ularning turlari

4-MAVZU: TEXNOLOGIK JARAYONLARDA TEXNIKA XAVFSIZLIGI ASOSLARI

Reja:

1. Texnika xavfsizligi bo’yicha me’yoriy hujjatlar;

2. Ob’ektlarda texnika xavfsizligini ta’minlashni tashkillashtirish;

3. Ishlab chiqarish jarayoni va uskunalariga qo’yiladigan xavfsizlik talablari;

4. Mehnat xavfsizligini ta’minlovchi texnik vositalar;

5. Mehnat xavfsizligiga doir yo’l-yo’riq o’tkazish va xavfsiz ishlash usullariga o’qitish.

Foydalanilgan adabiyotlar:

1. O’zbekiston Respublikasi «Aholini va hududlarni tabiiy hamda texnogen xususiyatli favqulodda vaziyatlardan muhofaza qilish to’g’risida»gi Qonuni. Toshkent, 20 avgust 1999.

2. O’zbekiston Respublikasi «Fuqaro muhofazasi to’g’risida» ga Qonuni. 26 may 2002.

3. Akimov N.I., Ilin V.G. «Qishloq xo’jalik ishlab chiqarish ob’ektlarida grajdan mudofaasi». Toshkent «Mehnat» 1989

 

To’qimachilik sanoatida texnologik jarayonlarning jadallashishi, mashina qismlarining ish tezliklari, mashina va dastgohlarning ish unumdorligining oshishi, ularning xavfsizligini oshishini ham taqozo qiladi.

Mashina va dastgohlarning xavfsizligini ta’minlash ularni loyihalash jarayonidan boshlab amalga oshiriladi. Birorta yangi mashina yoki dastgoh xavfsizligi ta’minlanmagan bo’lsa, foydalanishga ruxsat berilmaydi.

Amaldagi Davlat standarti uskunalarning xavfsizlik ish prinsipi, konstruksiyasining xavfsiz sxemasini tanlash, ularning konstruksiyasida mexanizasiya, avtomatlashtirish, masofadan (distansion) boshqarish vositalarini qo’llash, ergonomik talablarni bajarish, xavfsizlik texnikasi va yong’inga qarshi tadbirlar, ularni o’rnatish, foydalanish, sozlash, saqlash va transportirovkalash texnik hujjatlarga kiritilishini talab qiladi.

Mehnat muhofazasining asosiy vazifalaridan biri, ishchilarga xavfsiz ish sharoitini yaratib berishdan iboratdir. Xavfsiz ish sharoiti, ya’ni, mehnat xavfsizligi-bu ishlab chiqarish sharoitida ishchilarga barcha xavfli va zararli omillar ta’siri bartaraf etilgan mehnat sharoiti holatidir.