3-Mavzu. Sql – tilida so’rovlar. Reja

SELECT id_talaba, familiya, ismi, sharifi
FROM talaba
WHERE sharifi IS NULL;
Qolgan predikatlarga tegishli misollarni so`rov qismida batafsil ko`rsatib beramiz.
Natijani tartiblash
Umumiy holda natijaviy jadvalda satrlar tartiblanmagan. Lekin ularni tartiblash imkoniyati bor, buning uchun ORDER BY konstruksiyasi qo`llanadi. ORDER BY konstruksiyasi tartiblash ustunlari yoki ustun raqami ko`rsatiladi. Agar bunday ustunlar bir nechta bo`lsa, avval birinchi ustun bo`yicha tartiblanadi, keyin birinchi ustundagi bir xil qiymatlar uchun ikkinchi ustun tartiblanadi va h.k. ASC va DESC kalit so`zlar orqali ustundagi berilganlarni o`sish yoki kamayish bo`yicha tartiblash mumkin.
Oshkormas ravishda o`sish bo`yicha tartiblanadi, ya`ni ASC faraz qilinadi. ORDER BY konstruksiyasida jadval ifodani har qanday ustuni bo`yicha tartiblash mumkin va bu ustunni SELECT ro`yxatiga kirish shart emas. Sintaksisdan ko`rinib turibdiki, bu konstruksiya SELECT operatorining oxirida turishi kerak.
Bir ustun qiymati bo`yicha tartiblash.
Talabalar ro`yxatini familiyasi bo`yicha tartiblansin.
SELECT familiya, ismi, sharifi
FROM talaba
ORDER BY familiya;
1. Bir nechta ustun bo`yicha tartiblash.
Talabalar ro`yxati tug`ilgan yili kamayish va familiyasi alfavit o`sish bo`yicha tartiblansin.
SELECT familiya, ismi, sharifi, tug_yil
FROM talaba
ORDER BY tug_yil DESC, familiya;
bu misolda bir yilda tug`ilgan talabalar familiyasi bo`yicha tartiblanadi.
2. Hisoblanuvchi ustunlar bo`yicha tartiblash.
Order by guruhdagi ustunlar ro`yxatida psevdonimlarni ishlatish mumkin emas, agar ustun ifoda bo`lsa va shu ustun bo`yicha tartiblansa, uni yana ORDER BY ro`yxatida qaytarish kerak. Talabalar ro’yxati yillik stipendiyasi bo’yicha tartiblansin:
SELECT familiya, ismi, sharifi, stipendiya*12 as
yil_stipendiya
FROM talaba
ORDER BY stipendiya*12;